1 Mansɛnu 11:22 - ALLALA KUMƐ

²² Mansɛ ko, “Nfen mara? N bara i beli fan do le la? Wo le ye a mala, i ye tala?” Mansa Hedadi ya a fɔ mansɛ ye ko, “Ta-sɔgɛ ye n na tun!” Woletɔ a sɛgira a warɛ Idɔm nyamanɛ rɔ.

1 Mansɛnu 11:22 ပူးပေါင်းရင်းမြစ်များ

1 Mansɛnu 11:21

Mansa Hedadi ya a lamɔɛn min kɛ Iyipiti nyamanɛ rɔ ko Mansa Dawuda anubɛ ala kɛlɛ-den-kunyɛ Yohabu ara faga, a ya a fɔ mansɛ ye ko, “Sɔ, n ni sɛgi nta nyamanɛ le tɔ gbɛ!”

1 Mansɛnu 11:23

Alla ya a ma, Ilayadala den Reson wulita Mansa Silamɛni kan ma fanan. Mansa Hadadisa min bi Soba nyamanɛ kun na, Mansa Dawuda ya wo nɔ kɛlɛ rɔ nun anubɛ Siriya kɛlɛ-dan minnu nara a dɛnbɛ tinɛ kɛlɛ rɔ. Wo kɔma, ale Reson ya a buri Mansa Hadadisa kɔrɔ nyɔ le. A tara ma mɔgɔ-mabuilɛnuna kun-tigi la. Anubɛ ala keminɛ wonu tara sigi Damasika soe burɔ. Anu tara a ma Siriya mansɛ la nyɔ rɔ.

Yaburi 37:8

I fara yisi-bɔɛ la. I kana hɔn fanan bawo wonu si i don hakɛ rɔ.

Hɛnkilimaya-Kumɛnu 27:8

Musu-tigi min si a warɛ boloka, wo mani de iko kona min sa a nyagan dala.

Yɛrɛmaya 2:31

Wole Isirɛla mɔgɛnu, wo ni wo tole masɔ ale Mari kan la! A ko a mani ma wo ye nun iko wula-da-rakolɔn. A ko a mani ma wo ye iko nyamani-makilanni-tapinpini-bɛ. A ko nfenna wo rɔ wo ye a fɔla ko min di wole ye, wo ye wo le mala? Nfenna wo ye a fɔla ko wo ti sɛgi a ma tun?

Maraka 14:31

Pita ya a fɔ a yisi bɛɛ la ko, “Hali anu ya n faga i fɛ kɔnɔ ka a fɔ ko n ma i lɔn, n ti wo fɔ mumɛ!” Karan-dan bɛɛ fanan ya a fɔ wo nya na le.

Luka 22:35

Wo kɔma, Yisa ya a fɔ anu ye ko, “N ya wo sɔ min kɛ, wo tumɛ wo ma ta wodi-bɔrɛ la, anubɛ tagama-bɔrɛ, anubɛ sanbarɛ, fen dasara wo bolo wulɔn, ba?” Anu ya a yabi ko, “Fenfen ma dasa ma bolo wulɔn.”