1 Mansɛnu 11:21 - ALLALA KUMƐ

²¹ Mansa Hedadi ya a lamɔɛn min kɛ Iyipiti nyamanɛ rɔ ko Mansa Dawuda anubɛ ala kɛlɛ-den-kunyɛ Yohabu ara faga, a ya a fɔ mansɛ ye ko, “Sɔ, n ni sɛgi nta nyamanɛ le tɔ gbɛ!”

1 Mansɛnu 11:21 ပူးပေါင်းရင်းမြစ်များ

Ko-Dabirɛnu 45:24

Yusufu ya a na-kelen-nyɔgɛnu masara. A ya a fɔ anu ye ko, “Wo ni a ma wo fɛrɛma. Wo kana kɛlɛ kilɛ la de!”

2 Samuwɛli 3:21

A ya a fɔ a ye tun ko, “N tigi, n bi tala le kɛ la. N ni a ma, Isirɛla mɔgɛ bɛɛsi ni don i wara-koe rɔ ka sɔn ila mansaya-koe ma. Wo kɔma, ile ye nyinina min ma, i si wo sɔrɔn ka Isirɛla nyamanɛ bɛɛ mara.” Dawuda ya ale Abina masara. A tara yisi-kimɛ rɔ.

1 Mansɛnu 11:20

Wo ya den-kei kelen sɔrɔn a ye min tɔgɛ Kɛnubati. Wonubɛ Iyipiti mansɛla dannu makolota anu nyɔgɔn fɛ mansɛla musi bolo.

1 Mansɛnu 11:22

Mansɛ ko, “Nfen mara? N bara i beli fan do le la? Wo le ye a mala, i ye tala?” Mansa Hedadi ya a fɔ mansɛ ye ko, “Ta-sɔgɛ ye n na tun!” Woletɔ a sɛgira a warɛ Idɔm nyamanɛ rɔ.

1 Mansɛnu 2:10

Wo kɔma, Mansa Dawuda ya so-sɛgi-kɛ. Anu ya a togon a halala-luyi ma Yerusalɛm soe burɔ.

1 Mansɛnu 2:34

Wo kɔma, Bɛnaya tara Marita Fani-Bɔn la ka Yohabu faga. Anu tara a togon a warɛ wulɛ rɔ.

Matiyu 2:20

A ko, “I lasɔ. I ni dennɛ anubɛ a na bi. I ni sɛgi anu na Isirɛla nyamanɛ rɔ bawo minnu ya anu taya dennɛ kɛ faga-koe ma, wonu bara tenbi.”

Yasowa 2:21

Rehabi sɔnta wo ma. A ya anu nata. Anu bi tala tumɛ min, a ya yili-kolo-wulan wo kiri a gbɛ rɔ.

1 Samuwɛli 9:26

Bandɛ kanɛ, Samuwɛli ya Sɔli takele bɔn kuma, a ko, “I lakɔɛnma. N ni i masara.” Sɔli ya a lasɔ. Anubɛ Samuwɛli bɔra dɛ la anu nyɔgɔn fɛ.