1 Mansɛnu 11:2 - ALLALA KUMƐ

² Hali Mari ara tɔn sigi Isirɛla mɔgɛnu ma ko anu kana sibolo-gbɛrɛkɛ-dunmusu-wo-dunmusu furu, ale Mansa Silamɛni ya a tui ka furi kɛ sibolo-gbɛrɛkɛ-mɔgɛnu ma. Mari ya tɔn wo sigi bawo a ya a lɔn ko anu bi donna musi wonuta bɛsi-kɔ-koe rɔ. Hali wo, a niyi burita ala musinu fɛ.

1 Mansɛnu 11:2 ပူးပေါင်းရင်းမြစ်များ

Ko-Dabirɛnu 2:24

Woletɔ kei si a na anubɛ a fa boloka ka tugun ala musi la. Anu si ma mɔgɔ kelen na.

Ko-Dabirɛnu 34:3

A ban a sala Daina fɛ, a diyara Sɛkɛm ye kati! A ya a madiya-kumɛ fɔ a ye alako a ni diya Daina ye.

1 Mansɛnu 11:9

Hali Isirɛlata Mari Alla ara a nyɛrɛ yira Mansa Silamɛni na kiyo rɔ nun iko fila, ado Mari ara a fɔ a ye ko a kana don bɛsi-kɔ-koe rɔ, a ma Allata kumɛ bira fɔ ka a kan-kɔ sɔ Mari la. Wo le ya a ma, Mari fonde bɔra Mansa Silamɛni kuma.

2 Ko-Kɔrɔta-Karan 19:2

Hananila den Nɛbi Yehu tara mansɛ taran ka a fɔ a ye ko, “I miri de! Alla gboyanɛ karagbɛlɛ minnu ye, a kin ka wonu dɛnbɛ, wa? I wara min ma kɛ la, wo ara Mari fonde bɔ i kan ma.

2 Ko-Kɔrɔta-Karan 21:6

Isirɛla Mansa Ehabu min lakirayara, wola dunmusi le tora Mansa Yɛhoram ye Yuda nyamanɛ rɔ. Ale mansɛ kɛ ya a biran-kei sɔn-yogomɛ bi iko Isirɛla mansɛnu fanan bi nya min. A ya hakɛ kɛ Mari la

Ɛsira 9:12

Nɛbi wonu ya a fɔ ma ye ko furu-nyɔgɔnya kana don mabɛ mɔgɛ kɛnu tɛma. Anu ko, ni a sɔgɛ ye ma la, ma ni nyamanɛ kɛ diya bɔ, ma kana mɔgɛ kɛnu dɛnbɛ yarɔma-tɛ rɔ. Anu ko ni ma ma wo ma, ma ti ke nyamanɛ kɛ mala ma kegeyɛnutɛ la.

Yaburi 139:21

E, Mari, i gbo minnu ye, wonu gbo nde ye. Minnu murutiyanɛ i ma, wonu sɔgɔ labɔni de n na lass!

Bɔ-Koe-Iyipiti 23:31

“N si wola nyamani-dan dabira Kɔgɔ-Yi-Wulen bolɔn doi ma ha ka ke Mɛdetereniyan kɔgɔ-yi ma Filisitinu bi kan min. Dan min bi a fɔlɔla wulɛ ma, wo le ye tala ha ka ke Yufereti bɛ ma. N si nyamanɛ wo duguran kunyɛnu don wo bolo. N si anu gben-sɛnbɛ di wo ma.

Bɔ-Koe-Iyipiti 34:12

Wo ni a ma wo fɛrɛma wo nyɛrɛla ko la. Wo ye tala kan tinɛ min, wo kana lanyiri kiri nyamanita-mɔgɛ wonu ye alako anu kana ma gbɛrɛ la wo ye.

Bɔ-Koe-Iyipiti 34:16

Wo ni a ma wo fɛrɛma. Wo kana sɔn anuna dunmusinu furula wola den-keinu ye kamasɔrɔn wonu ba don anuna bɛsi-kɔɛ rɔ tumɛ min, anu kana wola den-keinu kɔndɔfili ka anu nadon anuna bɛsi-kɔ-koe rɔ.

Malakayi 2:11

Wole Yuda kɛnu bara lanyiri tinya Alla wara la ka ko-yogoma-belebele do ma Yerusalɛm soe burɔ. Wo ma a ma nyɔ dɔrɔn tɔ. Wo ya a ma wola nyamanɛ mumɛ le tɔ! Wole Yuda kɛnu bara Bato-Bɔn wo latinya bawo wo ara sibolo-gbɛrɛ-musinu furu, ado musi wonu bi bɛsɛnu kɔla. Bato-Bɔn wo di ale Mari ye de!

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

1 Kɔrɛnti 15:33

Wo kana sɔn ko mɔgɛnu ni wo yanfa. “Wo bɔ-yogomɛnu si wola kɛ-nya-nyimɛnu tinya.”

Lankɛnimayɛ 2:4

Kɔnɔ min bi n kɔntɔ wo kan ma, wo le kɛ la. Keninteyɛ min bi nde anubɛ wole tɛma nun fɔlɔ, wo keninteyɛ sa wo tɛma kaka.