1 Mansɛnu 11:19 - ALLALA KUMƐ

¹⁹ Mansa Hedadi diyara Iyipiti mansɛ ye ha mansɛ wo ya ala musi, Tapanisi, wo dɔgɔ-musi di Mansa Hedadi ma.

1 Mansɛnu 11:19 ပူးပေါင်းရင်းမြစ်များ

Ko-Dabirɛnu 39:21

Kɔnɔ hali Yusufu ye yele wo la, Mari ye a fɛ. Mari ya a ma, yele-kandanna-kun-tigi min bi nyɔ, a diyara wo ye koikoi!

Ko-Dabirɛnu 39:4

Yusufu wara-koe ya Pɔtifa hɛnɛ woletɔ a ya a ma ala wɔli-kɛla-kun-tigi la. Pɔtifa ya a bolo-fan bɛɛsi latenbi a ma fanan.

Ko-Dabirɛnu 41:45

Mansɛ ya tɔgɔ-kurɛ di ale Yusufu ma, a ko, “I tɔgɛ le gbɛ ‘Duninya-Kisilɛ.’ ” Mansɛ ya Asɛnati furu Yusufu ye ka a di a ma. Asɛnati wo fa Pɔtifɛra le saraka-masɔ-wɔlɛ kɛla Iyipiti bɛsɛnu ye Hɛliyapolisi soe burɔ. Yusufu-sɔrɔn ya san bi-sawa bɔ tumɛ min, a nara to sɔ tinɛ wo sɔrɔnna Iyipiti nyamanɛ rɔ. Yusufu ya ala wɔlɛ dabira ka Iyipiti nyamanɛ ratagama.

1 Mansɛnu 11:18

Mansa Hedadi anubɛ a fala wɔli-kɛlɛnu bɔra Midiya nyamanɛ rɔ ka ta furr, fɔ Paran wulɛ rɔ. Wo kɔma, mɔgɛ donu tara kofu anu ma nyɔ rɔ. Anu dama bɔra nyɔ ka ta ha Iyipiti nyamanɛ rɔ. Anu ke mansɛ ma, wo ya anu yiya ka dɔn-fan di anu ma. A ya dugi do di anu ma fanan.

1 Mansɛnu 11:20

Wo ya den-kei kelen sɔrɔn a ye min tɔgɛ Kɛnubati. Wonubɛ Iyipiti mansɛla dannu makolota anu nyɔgɔn fɛ mansɛla musi bolo.

Kɛwɔlɛnu 7:10

Alla ya a kandan ala tɔrɔyɛ bɛɛ rɔ. Yusufu sɔra Iyipiti mansɛ yakɔrɔ tumɛ min, Alla ya kɛ-nya-nyimɛ anubɛ hɛnkili di a ma. Mansɛ ya Yusufu ma kandɛ la ala nyamanɛ anubɛ ala denbayɛ bɛɛ kuma.

Kɛwɔlɛnu 7:21

Anu ya a bɔ a fa warɛ tumɛ min, nyɔ-mansɛla dunmusi ya a bi ka a makolo iko a nyɛrɛta-den-sɔrɔnnɛ.