1 Mansɛnu 11:13 - ALLALA KUMƐ

¹³ Ka a tɛgɛ nna wɔli-kɛla i fa Dawuda anubɛ Yerusalɛm soela ko ma n bara min ma n halala-soe la, n ti nyamanɛ kɛ dama to ila dan bolo. Fɔ bɔnsɔn kelen pe, n bi wo le tola ila dan wo ye.”

1 Mansɛnu 11:13 ပူးပေါင်းရင်းမြစ်များ

1 Mansɛnu 11:14

Mari ya a ma, Mansa Hedadi min bi Idɔm nyamanɛ kun na, wo wulita Mansa Silamɛni kan ma.

1 Mansɛnu 11:32

Mari ko ka a tɛgɛ ala wɔli-kɛlɛ Mansa Dawuda anubɛ Yerusalɛm soela ko ma a ya min ma a halalɛ la, a ko a si bɔnsɔn kelen pe le to Mansa Silamɛni bolo.

1 Mansɛnu 11:39

Mari ya kumɛ-laban min fɔ n ye, a ko a si Mansa Dawuda kegeyɛnu tɔrɔ ka a tɛgɛ Mansa Silamɛni hakɛla ko ma. Kɔnɔ a ko a ti to wo mala burubukai!”

1 Mansɛnu 12:17

Fɔ Isirɛla mɔgɛ minnu siginɛ Yuda nyamanɛ rɔ, Mansa Rihobowami tora wonu denu dɔrɔn kun na mansayɛ la.

1 Mansɛnu 12:19

Ka a bi wo wati ma ha ka a sigi kaka la, Isirɛla mɔgɔ minnu siginɛ kantɔ-wara la, wonu murutiyanɛ Mansa Dawudata mansaya-bɔn ma.

1 Mansɛnu 12:20

Isirɛla mɔgɔ damasi ya a lamɔɛn min kɛ ko Yɛrabowami ara sɛgi ka bɔ Iyipiti nyamanɛ rɔ, anu ya a kele anuna ladɛn-kinamɛ kuma ka a ma mansɛ la Isirɛla mɔgɛnu kuma. Fɔ Yuda bɔnsɔnnu, wonu denu tora Mansa Dawuda sɔrɛnu fɛ.

1 Mansɛnu 8:29

I wara kan tinɛ kɛ min yabɔ i bato-koela ko la, i yandi Mari, i ni i fonde to bɔn kɛ ko su-ni-tele. Nba, woletɔ Mari, n ba n ya-lamunun bɔn kɛ la tumɛ min, i ni i wɔlɔ matɔlɔ nta madiyalɛ la n bi min nakɛla i ma.

2 Mansɛnu 13:23

Kɔnɔ hinɛ anubɛ kinikinɛ ye Mari rɔ. A ma sɔn Isirɛla mɔgɛnu nato-koe ma. A ya anu dɛnbɛ bawo a ara sarama-kan kiri Iburayima anubɛ ala den Isiyaka anubɛ wola den Yakoba ye nun, ado ha kaka, a ma nyina ala mɔgɛnu ko.

2 Mansɛnu 17:18

Mari diminyara Isirɛla mɔgɛnu ma ha a ya anu gben ka a kan-kɔ sɔ anu na. Fɔ Yuda nyamanɛ dɔrɔn, wo le tora.

2 Mansɛnu 19:34

Mari ko ka a tɛgɛ ata gbiliyɛ anubɛ ata lanyiri ma a ya min kiri Mansa Dawuda ye, a si soe kɛ latanka.”

2 Mansɛnu 21:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko nyɔ sɔnɛ a kelen pe le ye.

2 Mansɛnu 23:27

Ka tenbi wo la, Mari ko, “N si Yuda kɛnu kasara iko n bara Isirɛla kɛnu kasara nya min. N bara Yerusalɛm soe min yabɔ nun, n si n yɛ firindi wo ma. N bara a fɔ batoli-kɛ-tinɛ min ma nun ko anu ni to n batola nyɔ, n bara n kan-kɔ sɔ nyɔ fanan na.”

2 Mansɛnu 8:19

kɔnɔ hali wo, Mari ma sɔn Yuda nyamanɛ halakila ala sɔn-yogomɛ wola ko la bawo a ara ban a latɛgɛla ko Mansa Dawuda kegeyɛ si to mansayɛ la Yuda nyamanɛ kun na burubukai!

2 Ko-Kɔrɔta-Karan 21:7

kɔnɔ hali wo, Mari ma sɔn Yuda nyamanɛ halakila a sɔn-yogomɛ wola ko la bawo Mari ara sarama-kan kiri Mansa Dawuda ye ko a kegeyɛnu si to mansayɛ la Yuda nyamanɛ kun na burubukai!

Yaburi 132:1

Mari, i kana nyina Mansa Dawuda anubɛ ata tɔrɔyɛ, a muinta minnu kɔrɔ.

Yaburi 132:17

A ko Mansa Dawuda kegeyɛ do si ma mansa-makawanɛ la, ado ata mansa-yabɔnɛ si to bɔla ala bɔn la tolon!

Yaburi 89:49

E, n tigi, i wara ila keninteyɛ min fɔlɔn yira ma la, wo ye mi? I ya lanyiri minnu kiri Dawuda ye, wonu bi mi?

Aiseya 14:32

Ma si Filisitinuna kilayɛ yabi kama? Ma si anu yabi ko Mari ara ban Yerusalɛm kian banbanna. Ata mɔgɔ-tɔrɔnɛ si sigi lafɛrɛ rɔ nyɔ.

Aiseya 62:1

Yerusalɛm di n ye min kɛ, n ti fara a wara-ko-fɔɛ la. N si to a matɔgɔla ha ale Marita nyimaya-silɛɛ ni to tiila a ma iko tele. N si to a tantola ha ata kisi-koe ni malan iko tɛ.

Aiseya 62:7

Wonu kana sɔn, Mari ni a niyi madɛn doni bɛrɛn ha a ni ban Yerusalɛm sɔ-kurɛ kɛla, ado a si a ma, duninya mumɛ bɛɛ si to soe wo matɔgɔla.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 9:5

Iko n ya a fɔ nya min, Mari ye nala nyamanɛ kɛ dila wo ma. A ma wo ma bawo wo mɔgɔ-nyimɛ le wo la, ado wo telenta. Wo ma de! Kɔnɔ a ya wo ma bawo Kenan mɔgɛnu wunduyogo, ado fanan, Mari Alla ya ata lanyiri min kiri wo benba Iburayima, Isiyaka anubɛ Yakoba ye, a ye wo kanbali-koe rɔ.