1 Mansɛnu 11:12 - ALLALA KUMƐ

¹² Kɔnɔ bawo ka a tɛgɛ i fa Dawudala ko ma, fananta i ye i kɛndɛ la, n ti mansayɛ kɛ bi i bolo, fɔ ila dan min bi sigila i gbɛ rɔ.

1 Mansɛnu 11:12 ပူးပေါင်းရင်းမြစ်များ

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 19:29

Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.

1 Mansɛnu 11:11

Mari ya a fɔ a ye ko, “Bawo i ma nta kumɛnu to a gbɛ rɔ, ma sarata nna sereya minnu ma, i wara wonu tinya, fɔ n ba nyamanɛ kɛ bɔ i bolo ka a di ila wɔli-kɛlɛ do ma.

1 Mansɛnu 11:13

Ka a tɛgɛ nna wɔli-kɛla i fa Dawuda anubɛ Yerusalɛm soela ko ma n bara min ma n halala-soe la, n ti nyamanɛ kɛ dama to ila dan bolo. Fɔ bɔnsɔn kelen pe, n bi wo le tola ila dan wo ye.”

1 Mansɛnu 11:31

Ahaya ya a fɔ Yɛrabowami ye ko, “Ile ni a kundu tan bira bawo Isirɛlata Mari Alla ko a si Isirɛla nyamanɛ bi Mansa Silamɛni bolo. A ko a si bɔnsɔn tan don ile bolo.

1 Mansɛnu 11:32

Mari ko ka a tɛgɛ ala wɔli-kɛlɛ Mansa Dawuda anubɛ Yerusalɛm soela ko ma a ya min ma a halalɛ la, a ko a si bɔnsɔn kelen pe le to Mansa Silamɛni bolo.

1 Mansɛnu 11:34

A ko fananta Mansa Silamɛni ye a niyi la, a ti nyamanɛ bɛɛ bi a bolo. Silamɛni si mansayɛ kɛ a siyi-tele-bɛɛ kɔrɔ. Mari ko ni i ya a yen, a ye wo mala, a ye wo mala ka a tɛgɛ a fa Mansa Dawudala ko ma, ale ara min yabɔ, ado wo ara ata sereyanu bira.

1 Mansɛnu 11:35

Mari ko a si nyamanɛ kɛ bi Mansa Silamɛnina dan bolo ka bɔnsɔn tan di ile ma nyamanɛ wo rɔ.

1 Mansɛnu 21:29

“I wara a yen Mansa Ehabu ye a famayigila n ye nya min? Ka a tɛgɛ ala famayigi wo ma, n ti kasarɛ wo lana anubɛ ala denbayɛnu kuma a siyi-tele-bɛɛ kɔrɔ. Fɔ ala danta wati rɔ, n ni na to kasarɛ lanala anu kuma.”

2 Mansɛnu 19:34

Mari ko ka a tɛgɛ ata gbiliyɛ anubɛ ata lanyiri ma a ya min kiri Mansa Dawuda ye, a si soe kɛ latanka.”

2 Mansɛnu 20:17

wati do ye nala, i wara fen-kolomɛ minnu nadɛn ila bolɔn la wo, i benbanu bara fen-kolomɛ minnu nadɛn wo, wo bɛɛ si ta Babilɔn nyamanɛ rɔ. A ko hali wo kelen ti to yan.

2 Mansɛnu 20:19

Mansa Hɛsakaya ya a lɔn kumɛ wo le ma ko ata wati si ma yisi-kimɛ anubɛ lafɛrɛ la. Woletɔ a ya a fɔ nɛbi wo ye ko, “I wara Marita kilayɛ min nakɛ n ma kɛ la, wo kin fasai!”

2 Mansɛnu 8:19

kɔnɔ hali wo, Mari ma sɔn Yuda nyamanɛ halakila ala sɔn-yogomɛ wola ko la bawo a ara ban a latɛgɛla ko Mansa Dawuda kegeyɛ si to mansayɛ la Yuda nyamanɛ kun na burubukai!

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.