1 Mansɛnu 10:28 - ALLALA KUMƐ

²⁸ Mansa Silamɛnina yilanu ya soeenu san a ye Musiri nyamanɛ anubɛ Silesiya nyamanɛ rɔ.

1 Mansɛnu 10:28 ပူးပေါင်းရင်းမြစ်များ

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Ko-Dabirɛnu 47:17

San kelan wo kɔrɔ, mɔgɛnu bi nala Yusufu wara anuna kolo-fannu na, saga wo, baa wo, ninki wo, sofɛlɛ wo, anubɛ anuna soeenu fanan ka anu felen dɔn-fannu na.

2 Ko-Kɔrɔta-Karan 9:28

Mansa Silamɛnina yilanu ya soeenu san a ye Iyipiti nyamanɛ anubɛ nyamanɛ doinu tɔ.

Hɛnkilimaya-Kumɛnu 7:16

Iyipiti-kura-hakikɛ min bi n bolo, n bara wo rasa nna sa-fan rɔ.

Aiseya 19:9

Minnu bi kurɛ ladanna bɛ wo gbamɛnu na, wonu yigi si tɛgɛ.

Aiseya 36:9

Hali kɛlɛ-den-kunyɛ min dɔgɔ ma rɔ, wo ti bɔ wo yakɔrɔ. Wole lanɛ a la ko Iyipiti kɛnu si soeenu anubɛ kirindinu nana wo dɛnbɛn-tinɛ kɛlɛ rɔ, wa?

Isikiyɛli 27:7

Linɛn-kurɛ le manɛ anuna kulun-naburu-kurɛ la. Anu bɔra wo bonnɛ la Iyipiti nyamanɛ le tɔ, ado a si yen de wula-yan la. Anu ya kura-bilolamɛ bɔ Saiparasi yi-tɛma-dugi rɔ ka wo ma kulun-burɔ-fani-bɔn la.

Tɔn-Fɔɛ-Fila-Nyɔgɛ 17:16

Wo ye mansɛ min yabɔla ka a sigi wo kuma, a fɔlɔtɛ, a kana a raya ka soeenu nadɛn siyaman ata kɛlɛ-dannu ye. A kana mɔgɛnu nata so san tinɛ Iyipiti bawo Mari ya a fɔ ko Isirɛla mɔgɛnu kana sɛgi nyɔ tun mumɛ!