1 Mansɛnu 10:22 - ALLALA KUMƐ

²² Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta san fila, a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

1 Mansɛnu 10:22 ပူးပေါင်းရင်းမြစ်များ

Ko-Dabirɛnu 10:4

Yefɛtila den Yefan wo ya den-kei mɔgɔ nani sɔrɔn, Ilisa wo, Tasisi wo, Kitin wo, anubɛ Rodanim.

1 Mansɛnu 10:18

Wo kɔma, a ya sogo-ba-nyin ladan mansaya-waganɛ la ka sɛnɛ-hakikɛ sa wo dama ma.

1 Mansɛnu 10:21

Ala yi-lafɛnu anubɛ ala bonna-mirannu, wo damasi ladanta sɛnɛ le la. Ala bɔn min kelenɛ Lɛbanan Gbɔngbɔn Kɔlɔma Bɔn, miran minnu bi bɔn wo la, wo bɛɛ ladanta sɛnɛ le la. Anu ma miran-wo-miran ladan wodi-gbɛ la mansɛ ye bawo anu ma wodi-gbɛ lɔn fen-koloma la ata wati wo rɔ.

1 Mansɛnu 22:48

Isirɛla Mansa Ehasaya ara a fɔ Yuda Mansa Yɛhosafati ye nun ko ata keminɛnu ni kofu Mansa Yɛhosafatila keminɛnu ma kulɔn rɔ kɔnɔ ale mansɛ ya a ban. Mansa Yɛhosafati ya kulɔnnu nadan minnu bi tala nun sɛnɛ bi tinɛ Ɔfiri nyamanɛ rɔ. Kɔnɔ kulɔn kɛnu ma ta bawo anu tinyanta Iseyɔn-Kiba soe dafɛ.

1 Mansɛnu 9:26

Mansa Silamɛni ya kulun-belebele-siyaman nadan Kɔgɔ-Yi-Wulan bolɔn doi kɔnkɔn la Iseyɔn-Kiba soe dafɛ min bi Ilati soe telen tɔ Idɔm nyamanɛ rɔ.

2 Ko-Kɔrɔta-Karan 9:21

Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta, san fila a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

Yobu 39:13

Selekona si a kanban ragbesi sewɛ bolo kɔnɔ a kanban ma ke yɛgɛ-faga-kankotɛ rɔ.

Yaburi 48:7

iko kulɔn ye gbenke-gbenkela mɔgɛ minnu na yi kuma.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Aiseya 2:16

Hali anuna kulun-belebele-hakikɛnu, a si wonu natunu yi kɔrɔ.

Aiseya 23:1

Sarakanɛ le kɛ la Taya kɛnuna ko la. Wole kulun-tawɔli-kɛlɛ minnu bi kɔgɔ-yi kuma, wo ni wo dɛ bolobɔ di-kɛ-tinɛ. Wo bɔra Taya soe min tɔ, wo ara kasara pɔ! Nyɔ-bɔnnu wo, a kulun-nasɔ-tinɛ wo, wo bɛɛ ara tinya pɔ! Wo wa sɛgi ka bɔ Saiparasi tumɛ min, wo si a mankan lamɔɛn.

Aiseya 23:10

Wole Taya kɛnu, fɔ wo wa ma sɛni-salɛnu na iko Iyipiti kɛnu bi nya min bawo kulun-nasɔ-tina woo sa wola nyamanɛ rɔ tun.

Aiseya 23:6

Wole Tasisi kɛnu, wo ni wo dɛ sa-a-rɔ di-kɛ-tinɛ ka a tɛgɛ Taya bu-koe ma. Wo sɛgi wo warɛ Sipeni nyamanɛ rɔ.

Aiseya 60:9

Mɔgɛnu bi bɔla wula-yan-bɛ la ka na Allata mɔgɛnu na a ma. Anu si na kulɔnnu tɔ ka bɔ Tasisi nyamanɛ rɔ. Wonu si i sanba sɛnɛ anubɛ wodi-gbɛ la. Kɛ dama ye nala mala le alako ita Mari Alla ni gbiliyɛ sɔrɔn. Isirɛlata Alla-sɛnimɛ le. A ye kabana-koenu mala ile Yerusalɛm ye.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Isikiyɛli 27:12

“Taya kɛnu ya yilaya-subolo-siyaman kɛ Sipeni nyamanɛ rɔ. Wonu ya anuna wodi-gbɛ anubɛ dandakuyi anubɛ nɛgɛ-subolo donu felen anu ma.

Isikiyɛli 27:15

Taya kɛnu anubɛ Didan kɛnu ya yilayɛ kɛ anu nyɔgɔn tɛma, ado kɔgɔ-yi-dafɛ-sigilɛnu taranta sogo-ba-nyin anubɛ ɛbɔni-kɔlɔmanu felenna Taya kɛnu ma fan donu na.

Emɔsi 3:15

Mari ko a si anuna bɔn damasi tinya, a mara a kinama la wo, a mara a dɔgɔma la wo. Hali anuna bon-hakikɛ minnu tabɛnnɛ sogo-ba-nyin-malɛsɛnɛnu na, wo damasi si tinya pɔ!

Yona 1:3

Kɔnɔ hali wo, Yona ya Mari sɔsɔ. Mari ko a ni ta tele-bɔɛ kɔnɔ ale tara a ye tele-yigi. Yapa soe min bi kɔgɔ-yi kɔnkɔn-dɛ la, a tara a ye nyɔ. A ya kulun-belebele-wɛ do wulinɛ taran min bi tala Sipeni nyamanɛ rɔ. A ya kulun-sarɛ di ka ta. Ale miri le ko a si ke le a burila Mari kɔrɔ.