1 Mansɛnu 10:18 - ALLALA KUMƐ

¹⁸ Wo kɔma, a ya sogo-ba-nyin ladan mansaya-waganɛ la ka sɛnɛ-hakikɛ sa wo dama ma.

1 Mansɛnu 10:18 ပူးပေါင်းရင်းမြစ်များ

1 Mansɛnu 10:19

Kin-sɔ-tina wɔrɔ siginɛ ye yɛlɛla anu nyɔgɔn kuma ka ke mansaya-waganɛ wo ma. Yarɛla muninyɛ tan-ni-fila ladannɛ yɛlɛla kin-sɔ-tina wɔrɛ wo tɔnkɔn filɛ bɛɛ rɔ. A kɔɛn filɛ sa tinɛ tɔnkɔn rɔ, yarɛla muninyɛ ladannɛ wonu fanan ma. Mansɛ lɛngbɛn tinɛ wo latintannɛ. Ala mansaya-waganɛ wo nyɔgɔn sa mansa-wo-mansa bolo duninya rɔ fɔ ale kelen pe.

1 Mansɛnu 10:22

Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta san fila, a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

1 Mansɛnu 22:39

Ala den Ehasaya sigira a gbɛ rɔ. Mansa Ehabu ya koe min bɛɛsi ma ala mansaya-wati rɔ, anu ya wonu sɛbɛ Isirɛla mansɛnuna buku do rɔ. Hali a ya ala bolɔn rabɛn sogo-ba-nyinnu na nya min anubɛ a ya soenu sɔ nya min, anu ya wo fanan sɛbɛ buku wo rɔ.

Yaburi 110:1

Mari ya a fɔ nna mansɛ ye ko a ni a sigi a bolo-nyimama-kɔɛn wara la ha ale Mari ni ale mansɛ yogenu sa a kin kɔrɔ.

Yaburi 122:5

Isirɛla mɔgɛnuna mansɛnuna kiti sa tinɛ le kɛ la, Mansa Dawuda kegeyɛ, kɔni.

Yaburi 45:6

Alla ara mansayɛ min di i ma, wo si to i bolo burubukai! I si ila mɔgɛnu mara telenbagayɛ rɔ.

Yaburi 45:8

Tulu-suma-diyamɛ ye ila kura-sumɛ diyala. Ila fɔli-kɛlɛnu bi i bira boloko-nyimɛ-kɛla ila bolɔn la min tabɛnnɛ sogo-ba-nyin-malɛsɛnɛnu na.

Isikiyɛli 27:6

Anu ya Ɔki kɔlɔmanu bɔ Basan nyamanɛ rɔ ka kɔn-gbɛlɛmɛ wonu ma kulɔn wo laburi-fannu na. Anu ya pain-fɛrɛn-hakikɛnu bɔ Saiparasi yi-tɛma-dugi rɔ ka wo ma kulɔn wo kole-ladan-fan la ka sogo-ba-nyin basan wo la tala.

Emɔsi 6:4

A si gbɛlɛya wole, nɔnfulu-tiginu kuma, wole min bi wo sala wola sa-fen-hakikɛnu kuma ka mɛ fen-diyamɛnu dɔn tinɛ.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 1:8

Kɔnɔ Alla ya kɛ le fɔ ala danla ko la. A ko, “Ile Alla, ila mansaya-waganɛ si to i bolo habadan! Ila telenbagayɛ si ma ila sɛnɛ-kɔlɔma la.

Lankɛnimayɛ 18:12

Anuna sɛnɛ wo, anuna wodi-gbɛ wo, anuna kuru-da-gbɛlɛmɛnu wo, anubɛ anuna kɔnɔ-kolo-da-gbɛlɛmɛnu, wonu sanna sa nyɔ tun. Anuna linɛn-kura-nyimɛnu anubɛ kura-bilolamɛnu, anuna kura-manunkunɛ, anubɛ kura-wulannu, wo fanan sanna sa nyɔ tun. Anuna kɔlɔma-hakikɛnu wo, anuna sogo-ba-nyin nadannɛ fan minnu na wo, kɔlɔma-da-gbɛlɛmɛnu wo, anubɛ silɛɛ wo, nɛgɛ wo, anubɛ bɛrɛ-kurinu wo, wo fanan sanna sa nyɔ tun.

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.