1 Mansɛnu 10:11 - ALLALA KUMƐ

¹¹ (Mansa Hairamna kulɔn minnu nara ka bɔ Ɔfiri nyamanɛ rɔ, wonu nara sɛnɛ-siyaman na anu tɔ nun. Wo kɔma, ale kulun kelan kɛnu denu nara kɔlɔma-hakikɛnu anubɛ dugu-kɔrɔ-nɔnfulinu na anu tɔ ka bɔ Ɔfiri nyamanɛ rɔ.

1 Mansɛnu 10:11 ပူးပေါင်းရင်းမြစ်များ

1 Mansɛnu 10:12

Mansa Silamɛni ya kɔlɔma wonu denu bi ka anu ma Marita Bɔn anubɛ a nyɛrɛta bolon sɛnbɛ-don-fannu na. A ya kɔlɔma-su wonu denu bi ka anu ma sɔrɔnnu anubɛ bɔlɔnnu na ka wonu don fɔli-kɛlɛnu bolo. Ka a bi wati wo ma ha ka a sigi kaka la, mɔgɔ-wo-mɔgɔ ma ke kɔlɔma-su kelan wo lanala Isirɛla nyamanɛ rɔ.)

1 Ko-Kɔrɔta-Karan 1:23

Ɔfiri wo, Hafila wo, anubɛ Yobabu. Yokitanla dan le kɛnu na.

2 Ko-Kɔrɔta-Karan 2:7

Woletɔ i yandi, boloma-wɔli-kɛlɛ donu nana n ma minnu kusan sɛnɛ anubɛ wodi-gbɛ anubɛ silɛɛ anubɛ nɛgɛ ladanna. Wo kɔma, i ni mɔgɛnu nana n ma minnu kusan kura-bilolamɛ anubɛ kura-wulan anubɛ kura-finyɛ ladanna. Wonu ni na kofu nna boloma-wɔli-kɛlɛnu ma, n fa Mansa Dawuda ya minnu yabɔ Yerusalɛm soe burɔ Yuda nyamanɛ kɛ rɔ.

2 Ko-Kɔrɔta-Karan 2:8

Bawo n ya a lɔn ko ila kɔn-tɛgɛlɛnu kusan kosɛbɛ, woletɔ a sɔgɛ ye n na, i ni kɔlɔma-subolo sawa lana n ma ka bɔ Lɛbanan gbɔngbɔnnu tɔ, sida wo, saiparasi wo, anubɛ yunipa. N tabɛnni de ka nta mɔgɛnu nata ila mɔgɛnu dɛnbɛn tinɛ

2 Ko-Kɔrɔta-Karan 8:18

Mansa Hairam ya kulun-belebelenu nata ale Mansa Silamɛni ma nyɔ rɔ anubɛ ala kulun-tawɔli-kɛlɛnu. Wonubɛ mansɛta kɛlɛ-den-kunyɛnu tara Arabu nyamanita soe do rɔ min tɔgɛ Ɔfiri. Anu bɔra sɛnɛ minnu na nyamanɛ wo rɔ, wola gbiliyɛ anubɛ fui-fan bɔrɔ kɛmɛ fila anubɛ bɔrɔ tan-ni-loli (215) rakɛn de! Anu nara wo don Mansa Silamɛni bolo.

Yobu 22:24

I ni ila sɛnɛ lakɛ a rɔ gbangban rɔ. I ni ila sɛnɛ-hakikɛ lafili tungban rɔ.

Yaburi 45:9

Musi minnu bi wɔlila i ye, mansa-dan le wonu na. Ile mansɛla bara-musi makirinɛ sɛnɛ-bɛrɛ le la. A sɔnɛ ila mansaya-waganɛ bolo-nyimɛ rɔ.