1 Mansɛnu 1:5 - ALLALA KUMƐ

^5-6 Wo ya a taran, Mansa Dawudala den Abasalɔm bara faga. A tagbara-sɛ Hagiti-Adonaya siginɛ a gbɛ rɔ. Adonaya, wo mafɛlɛn di kɔnɔ a fa ma a kolo hali lun-kelen-bɛrɛn. Mansaya-sɔgɛ ya Adonaya bira kosɛbɛ! A ya soee-laburi-kirindinu sɔrɔn a nyɛrɛ ye anubɛ kemini mɔgɔ bi-loli minnu si sɔ a yarɔ.

1 Mansɛnu 1:5 ပူးပေါင်းရင်းမြစ်များ

2 Samuwɛli 15:1

Wati-tenbinɛ, Abasalɔm ya kirindi kelen bi anubɛ a sagan-soeenu. A ya kemini-mɔgɔ bi-loli fanan bi minnu si sɔ a yarɔ.

2 Samuwɛli 3:4

Ala dan nani nyɔgɛ tɔgɛ le Adonaya. Wo na le Hagiti la. Ala dan loli nyɔgɛ tɔgɛ le Sɛfataya. Wo na le Abitali la.

1 Mansɛnu 1:11

Nba, Nɛbi Netan tara a fɔ Silamɛni na Batasiba ye ko, “N na Batasiba, ile ma a lamɔɛn wa, ko Hagiti-Adonaya ara a nyɛrɛ ma mansɛ la kaka? Ma tigi Dawuda ma ko lɔn wo rɔ bɛ mumɛ!

1 Mansɛnu 2:13

Hagiti-Adonaya tara Mansa Silamɛni na Batasiba wara. Batasiba ya a manyinika ko, “Nfen mara? I nara a nyimɛ la, wa?” Adonaya ko, “Ɔn! N ma na a yogomɛ la

1 Mansɛnu 2:15

Adonaya ya a fɔ a ye ko, “I ya a lɔn ko mansayɛ kɛ, ntɛ le nun. I ya a lɔn fanan ko Isirɛla mɔgɛnu sɔnta nta mansayɛ ma nun. Hali wo, anu bara a yɛlɛma ka a ma n dɔgɔtɛ la kamasɔrɔn Mari sɔnta wo le ma.

1 Mansɛnu 2:24

A ye mabɛ ale Mari Alla-nimɛ tɛma min ya n sigi n fa Mansa Dawuda gbɛ rɔ, ale Alla min ya ala lanyiri wo kanbali ka mansayɛ di mabɛ n bɔnsɔn ma. Woletɔ n bara n keli Mari-nimɛ rɔ, Adonaya si faga bi, yɔ!”

1 Ko-Kɔrɔta-Karan 29:1

Mansa Dawuda ya a fɔ nyama-ladɛnnɛ wo ye ko, “Nna den Silamɛni, Alla ara wo le yabɔ ka a ma mansɛ la. Kɔnɔ hali wo, a dɔgɔ, ado a ma duru mansaya-koe la. Bato-Bɔn sɔ-ko-wɔlɛ kɛ makawara bawo mɔgɛnuta mansa-bɔn sɔ-ko-wɔli ma kɛ la fɔ Mari Allatɛ.

1 Ko-Kɔrɔta-Karan 3:2

Ala den-kei sawa nyɔgɛ tɔgɛ le Abasalɔm. Wo na tɔgɛ le Meyaka. Kesa Mansa Talamayila dan le Meyaka kɛ la. Ala den-kei nani nyɔgɛ le Adonaya. Wo na tɔgɛ le Hagiti.

Bɔ-Koe-Iyipiti 9:17

Kɔnɔ ha bi, ale mansɛ wasinɛ, a sa sɔnna nna mɔgɛnu boloka-koe ma.

Hɛnkilimaya-Kumɛnu 16:18

Mɔgɔ-wasinɛ ti mɛ buila. Wasinteyɛ si mɔgɛ kasara.

Hɛnkilimaya-Kumɛnu 18:12

Mɔgɔla wasinteyɛ le ye a labuila. Mɔgɔ-famayiginɛ le ye gbiliyɛ sɔrɔnna.

Aiseya 2:7

Ila mɔgɛnuna nyamanɛ lafanɛ sɛnɛ anubɛ wodi-gbɛ la, ado fen-kolomɛnu ti ban anu bolo. Soeenubɛ kirindinu fanan ti ban anu bolo.

Luka 14:11

ado min bɛɛ si a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.”

Luka 18:14

N bi a fɔla wo ye, duti-makelelɛ kɛ, a latelennɛ sɛgira a warɛ Alla yala, Farisi wo ma de, ado min ba a nyɛrɛ kɔrɔbi, wo la si yigi. Min ba a nyɛrɛ famayigi, wo la si yɛlɛ.”

Kɛlɛ-Kurugbɛnu 9:2

“Wo ni Sɛkɛm so-burɔ-mɔgɛnu manyinika ko Kidiyɔnla den mɔgɔ bi-wɔrɔnfilɛ wonuta mansayɛ wo, mɔgɔ kelanta mansayɛ wo, anu ni anuta bi wo rɔ. Kɔnɔ min sanɛ wo kuma, anu ni a lɔn ko anuna den-bɛrɛbɛrɛ le nde, Abimɛlɛki la.”