1 Mansɛnu 1:48 - ALLALA KUMƐ

⁴⁸ Ale mansɛ nyɛrɛ ya a fɔ ko Isirɛlata Mari Alla ni tanto bawo a ara mɔgɛ do yabɔ ka a ma mansɛ la ale Mansa Dawuda nyɛrɛ yala.”

1 Mansɛnu 1:48 ပူးပေါင်းရင်းမြစ်များ

Ko-Dabirɛnu 14:20

Alla Min Bi Fan Bɛɛ Kun Na min bara i yogenu don i bolo, tantolɛ ni ke wo ye.” Burama ya minnu sɔrɔn kɛlɛ rɔ, a ya wonu yaka bɔ ka wonu di Mɛlikisidaki ma.

2 Samuwɛli 24:3

Kɔnɔ Yohabu ya a fɔ ale mansɛ ye ko, “N tigi, alamɛ ita Mari Alla ya a ma, kɛlɛ-dan min nyɔgɔn bi nyɔ kaka, wo nyɔgɔn kɛmɛ ni sa anu kuma. Alamɛ i mɛra ka wo yen i yɛ la. Kɔnɔ n tigi, nfenna mɔgɛ kɛnu yatɛ-lɔn-sɔgɛ ye i la?”

2 Samuwɛli 7:12

Ale Dawuda wa faga tumɛ min, anu ba ban a togonna, n si a ma, ala dan do ni to a gbɛ rɔ min si ala nyamanɛ to fanka rɔ.

1 Mansɛnu 1:49

Adonaya ya mɔgɛ min bɛɛsi kele ala saraka-bɔɛ rɔ, wonu ya kɛ lamɔɛn tumɛ min, wonu kilanta kati! Anu kelen-kelennamɛ-bɛɛ tara ata kilɛ fɛ.

1 Mansɛnu 2:4

Wo si a ma, Mari Alla ni a hɛnkili to lanyiri wo ko a ya min fɔ ndela ko la. A ya a fɔ nun ko ni n kegeyɛnu mara mɔgɔ-latelennɛnu na ale yala ka bila a fɛ anu yisi bɛɛ la, a ko nna mansaya-bɔn si to sɛnbɛ rɔ Isirɛla mɔgɛnu tɛma.

1 Mansɛnu 3:6

Mansa Silamɛni ya a fɔ Alla ye ko, “I ya keninteya-wɛ yira n fa Dawuda la bawo a mara mɔgɔ-nyimɛ anubɛ mɔgɔ-telennɛ la i yala. I wara den-kei di a ma min bara mansayɛ kɛ a gbɛ rɔ. Wo fanan bara a yira ko a di i ye.

1 Mansɛnu 8:20

Ale Mansa Silamɛni ya a fɔ tun ko, “Mari ara ala kumɛ wo latɔnbagaya kaka. N bara sigi n fa Dawuda gbɛ rɔ mansayɛ la iko Mari ya lanyiri kiri nya min. Kaka, n bara Bato-Bɔn sɔ Isirɛlata Mari Alla ye.

1 Ko-Kɔrɔta-Karan 17:17

Kɔnɔ hali wo, i ye sarama-kan kirila mabɛ nna denbayɛ ye anubɛ minnu ma sɔrɔn bɛ. E, Mari Alla, i wara n ma iko n nyɔgɔn sa.

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

1 Ko-Kɔrɔta-Karan 29:20

Wo kɔma, Mansa Dawuda ya a fɔ mɔgɛnu ye ko, “Wo ni wota Mari Alla tanto.” Mɔgɔ damasi ya anu benbanuta Mari Alla tanto. Anu ya anu madu ka Mari anubɛ anuna mansɛ gbiliya.

Nihɛmaya 9:5

Yɛsuwa wo, Kadamiyɛli wo, Bani wo, Hasabinaya wo, Sɛrɛbaya wo, Hodaya wo, Sɛbanaya wo, Pɛtahaya wo, Lifayi kɛnu fanan ya a fɔ anu kulu-mayɛlɛnɛ la ko, “Wo ni wo lasɔ ka baraka bira wota Mari Alla ye. Wo ni to a matɔgɔla burubukai! Bɛɛ ni a tɔgɛ gbiliya ka a tanto. Kɔnɔ ma ya a lɔn ko hadama-danta matɔgɔlɛ ti a bɔ.”

Yaburi 145:2

Tele-wo-tele, n si baraka bira i ye. N si i tɔgɛ gbiliya burubukai!

Yaburi 34:1

N si baraka bira Mari ye tuma-wo-tuma. N ti n tade a tantolɛ ma mumɛ!

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Hɛnkilimaya-Kumɛnu 17:6

Benbe si a wasi a mamanɛ la iko dan si a wasi a fa la nya min.

Daniyɛli 4:34

“San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

1 Samuwɛli 25:32

Dawuda ya a fɔ a ye ko, “N si baraka bira Isirɛlata Mari Alla ye bawo ale le wara i lana ka n taran yan bi.