1 Mansɛnu 1:47 - ALLALA KUMƐ

⁴⁷ ado min sanɛ wo kuma, mansɛla mɔgɔ-banu tara ka duwa Mansa Dawuda ye ko Silamɛni ni tɔgɔ sɔrɔn ka tenbi atɛ la. Ala mansayɛ ni koloya atɛ ko. Wo kɔma, mansɛ ya a madu ala sa-fan rɔ ka baraka bira Alla ye.

1 Mansɛnu 1:47 ပူးပေါင်းရင်းမြစ်များ

Ko-Dabirɛnu 47:31

A fa Yakoba ko, “Ni i ya a lɔn a ti tinya, na i keli n ye bɛrɛbɛrɛkɛ!” Yusufu ya a keli. Nba, Yakoba ya baraka bira Alla ye ala sa-fan kuma.

2 Samuwɛli 21:3

Mansa Dawuda ya kilayɛ lata Kibiyon kɛnu ma ka anu kele. Wonu ke, a ya a fɔ anu ye ko, “A sɔgɛ ye wo la, n ni nfen ma wo ye? Ko-yogomɛ min sigira wo la, a sɔgɛ ye n na, nde ni wo fɛ-bira. Wo si a ma, wo ni duwa Marita mɔgɛnu ye.”

2 Samuwɛli 8:10

a ya Mansa Dawuda sanba fen-siyaman na ka a wɔlibɔ ala nɔlɛla ko la. Ale fanan kɛlɛ-nyɔgɛ le Mansa Hadadisa wo la nun. Sɛnɛ wo, wodi-gbɛ wo, silɛɛ wo, a ya wonu don ala den Yɔram bolo alako ala dan wo nyɛrɛ ni ta Mansa Dawuda sanbɛ wonu na.

1 Mansɛnu 1:37

Iko Mari tora i fɛ nya min, alamɛ a tora ila den Silamɛni fɛ wo nya na le ka ala mansayɛ lasabati ka tenbi itɛ la.”

Ɛsira 6:10

Wo ni anu madɛnbɛ alako anu ni ke sarakɛnu bɔla San-Kole-Alla ye minnu si a hɛnɛ. Wo kɔma, anu si Alla matara alako mabɛ nna den-keinu ni simayɛ sɔrɔn.

Bɔ-Koe-Iyipiti 12:32

Wo ni wola kolo-fannu fanan bi iko wo ara a fɔ nya min. Wo kana nyina ka duwa nde ye.”

Luka 19:38

Anu ko, “Allala duwɛ ni to mansɛ wo fɛ min bi nala Mari tɔgɛ rɔ! Yisi-kimɛ ni taran Arinyɛni tɔ. Gbiliyɛ ni di Alla ma san-kole bɛɛ kuma pon!”

Hiburunu 11:21

Yakoba fagamatoe, a ya a dun ala sewuri la Alla bato tinɛ. Nba, dɛnkɛninyɛ le fɛ, a duwara Yusufula den-kei filɛ bɛɛ ye.