1 Mansɛnu 1:42 - ALLALA KUMƐ

⁴² Yohabu ma a kan wo laban, Saraka-Masɔla Abiyatarila den Yonatan nara anu taran. Adonaya ya a fɔ a ye ko, “I madon n na. N lanɛ a la ko nna mɔgɔ-nyimɛ le ile la. N lanɛ a la ko i wara na kuma-nyimɛ do le fɔ tinɛ n ye.”

1 Mansɛnu 1:42 ပူးပေါင်းရင်းမြစ်များ

2 Samuwɛli 15:27

Mansa Dawuda ya a fɔ Sedoki ye tun ko, “Ko-rayennɛ le ile la. Ila den Ahimahasi anubɛ Abiyatarila den Yonatan bi. I ni sɛgi anu na i bolo soe burɔ. Alamɛ Alla tora i fɛ.

2 Samuwɛli 15:36

Anuna dannu Ahimahasi anubɛ Yonatan, wonu fanan bi nyɔ. I ya kuma-wo-kuma lamɔɛn n bara-koe rɔ, i si a fɔ dan wonu ye. Wonu fanan si na wo fɔ nde ye.”

2 Samuwɛli 17:17

Kɔnɔ wo ya a taran, Abiyatarila den Yonatan wo anubɛ Sedokila den Ahimahasi dogonnɛ Ɛnrogɛli tenke dafɛ Yerusalɛm soe kɔma bawo a ma di anu ye mɔgɔ ni anu yen donna soe burɔ. Yɔɔn-sunkurɔn do ye nyɔ nun, wo le si to ta-ni-sɛgi kɛla anu tɛma alako koe minnu ba tenbi soe, anu denu ni wo lɔn yi wo dafɛ nyɔ. Wo kɔma, anu burimatoe si ta wo fɔ Mansa Dawuda ye.

2 Samuwɛli 18:27

So-makandannɛ min sɔnɛ tarɛ kuma, wo ya a fɔ ko, “Yarɔ mɔgɛ wo buri-kɛ-bole manɛ de iko Ahimahasi.” Mansɛ ko worɔ, “Nba, mɔgɔ-hakikɛ le wo la. A ye nala kuma-nyimɛ le la wo la.”

1 Mansɛnu 1:41

Adonaya anubɛ a fɛ-mɔgɛnu bi banna fen-dɔn la kawo, anu ya buru-fɛ-kan lamɔɛn. Yohabu ya wo lamɔɛn tumɛ min, a ko, “Sɔnkɔ-sɔnkɔ kɛ kɔrɛ ye nfen na soe burɔ?”

1 Mansɛnu 1:43

Kɔnɔ Yonatan ya a fɔ a ye ko, “N ma na kuma-nyimɛ la de! Mansa Dawuda ara Silamɛni ma mansɛ la.

1 Mansɛnu 22:18

Mansa Ehabu ya a fɔ Mansa Yɛhosafati ye ko, “N ma a fɔ i ye nun? Kumɛ min ma di n tole la, kɛ si wonu denu fɔ n ye?”

2 Mansɛnu 9:22

Mansa Yɔram ya Mansa Yehu manyinika ko, “I nara a nyimɛ le la, ka, a yogomɛ?” Mansa Yehu ya a fɔ a ye ko, “I na ya suwagayɛ anubɛ bɛsi-kɔ-koe min nawara ma tɛma, fananta wo ye ma tɛma, ma ti yisi-kimɛ sɔrɔn.”

Aiseya 57:21

Alla ko karagbɛlɛnu ti yisi-kimɛ sɔrɔn.