1 Mansɛnu 1:38 - ALLALA KUMƐ

³⁸ Wo kɔma, Saraka-Masɔla Sedoki wo, Nɛbi Netan wo, Bɛnaya wo, anubɛ mansɛ makandannɛnu, wonu tara Silamɛni bi ka a sigi Mansa Dawudata sofɛlɛ la. Anu tara a la Kiyɔn tenke dafɛ.

1 Mansɛnu 1:38 ပူးပေါင်းရင်းမြစ်များ

2 Samuwɛli 13:29

Wɔli-kɛlɛ wonu ya Aminɔ faga iko Abasalɔm ya a fɔ anu ye nya min. Mansa Dawudala den-toenu sigira anuna sofɛli-kinamɛnu na ka anu buri.

2 Samuwɛli 15:18

Ala mɔgɔ-banu sɔra a dafɛ nyɔ. A makandannɛnu tara a yarɔ. A nara Filisiti kɛlɛ-dan mɔgɔ kɛmɛ wɔrɛ (600) minnu na ka bɔ Kati soe burɔ, a ya wonu fanan sɔ a yarɔ.

2 Samuwɛli 20:7

Yohabula kɛlɛ-dannu, anubɛ mansa-makandannɛnu, anubɛ kɛlɛ-dan minnu bilanɛ Abisayi fɛ, wonu bɔra Yerusalɛm soe burɔ ka ta Siba bira tinɛ.

2 Samuwɛli 8:18

Yɛhoyadala den Bɛnaya, wo le ye Mansa Dawuda makandannɛnu kun na. Mansa-makawandilɛ le mansɛla den-keinu na.

1 Mansɛnu 1:26

Kɔnɔ mansɛ, anu ma nde kele, anu ma Saraka-Masɔla Sedoki kele, anu ma Yɛhoyadala den Bɛnaya kele, anu ma ila den Silamɛni fanan kele.

1 Mansɛnu 1:33

mansɛ ya a fɔ anu ye ko, “Wobɛ n makandannɛnu ni nna den Silamɛni bi ka a sigi n nyɛrɛta sofɛlɛ la. Wo ni ta a la Kiyɔn tenke dafɛ.

1 Mansɛnu 1:8

Minnu ma sɔn bilala Adonaya fɛ, wo le, Saraka-Masɔla Sedoki wo, Yɛhoyadala den Bɛnaya wo, Nɛbi Netan wo, Simayi wo, Riya wo, anubɛ Mansa Dawuda makandannɛnu.

1 Mansɛnu 2:15

Adonaya ya a fɔ a ye ko, “I ya a lɔn ko mansayɛ kɛ, ntɛ le nun. I ya a lɔn fanan ko Isirɛla mɔgɛnu sɔnta nta mansayɛ ma nun. Hali wo, anu bara a yɛlɛma ka a ma n dɔgɔtɛ la kamasɔrɔn Mari sɔnta wo le ma.

1 Mansɛnu 2:35

Mansa Silamɛni ya Bɛnaya sigi kɛlɛ-dannu kun na Yohabu gbɛ rɔ. A ya Saraka-Masɔla Sedoki yabɔ ka a sigi Abiyatari gbɛ rɔ.

1 Ko-Kɔrɔta-Karan 18:17

Yɛhoyadala den Bɛnaya, wo le ye Mansa Dawuda makandannɛnu kun na. Mansɛ makawandilɛ le ala den-keinu na.

Sɛfanaya 2:5

Wole Filisiti mɔgɛ minnu siginɛ kɔgɔ-yi dafɛ, wo ara ban donna saya-kiti kɔrɔ. Mari ara ban wo latɛgɛla feu! A ko a si wo kasara, hali mɔgɔ-den-kelen ti to a niyi la.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

1 Samuwɛli 30:14

Ma tara bui Kɛrata mɔgɛnu ma minnu bi Yuda nyamanɛ dugula wara la. Wo kɔma, ma tara bui Kelabu kegeyɛnu ma ka Sikilagi soe mintan.”