1 Mansɛnu 1:33 - ALLALA KUMƐ

³³ mansɛ ya a fɔ anu ye ko, “Wobɛ n makandannɛnu ni nna den Silamɛni bi ka a sigi n nyɛrɛta sofɛlɛ la. Wo ni ta a la Kiyɔn tenke dafɛ.

1 Mansɛnu 1:33 ပူးပေါင်းရင်းမြစ်များ

Ko-Dabirɛnu 41:43

A ya mansɛla kandɛya-kirindi don a bolo ka ale Yusufu yira ala nyamanita-mɔgɛnu na. Anu tara kan-bo-kan, anu si a mayon ko, “Wo ni wo nyɛnkin! Wo ni wo nyɛnkin!” Yusufu taranta kun-tigiyɛ la wo nya na le Iyipiti nyamanɛ rɔ.

2 Samuwɛli 13:29

Wɔli-kɛlɛ wonu ya Aminɔ faga iko Abasalɔm ya a fɔ anu ye nya min. Mansa Dawudala den-toenu sigira anuna sofɛli-kinamɛnu na ka anu buri.

1 Mansɛnu 1:38

Wo kɔma, Saraka-Masɔla Sedoki wo, Nɛbi Netan wo, Bɛnaya wo, anubɛ mansɛ makandannɛnu, wonu tara Silamɛni bi ka a sigi Mansa Dawudata sofɛlɛ la. Anu tara a la Kiyɔn tenke dafɛ.

1 Mansɛnu 1:5

Wo ya a taran, Mansa Dawudala den Abasalɔm bara faga. A tagbara-sɛ Hagiti-Adonaya siginɛ a gbɛ rɔ. Adonaya, wo mafɛlɛn di kɔnɔ a fa ma a kolo hali lun-kelen-bɛrɛn. Mansaya-sɔgɛ ya Adonaya bira kosɛbɛ! A ya soee-laburi-kirindinu sɔrɔn a nyɛrɛ ye anubɛ kemini mɔgɔ bi-loli minnu si sɔ a yarɔ.

1 Mansɛnu 2:35

Mansa Silamɛni ya Bɛnaya sigi kɛlɛ-dannu kun na Yohabu gbɛ rɔ. A ya Saraka-Masɔla Sedoki yabɔ ka a sigi Abiyatari gbɛ rɔ.

1 Ko-Kɔrɔta-Karan 29:22

Anu bi fen dɔnla wulɔn tele rɔ, anu sewara ka fen-dɔn-kɛ Mari yala. Anu ya Silamɛnina mansayɛ lawasa Mari tɔgɛ rɔ, ado kɛ le mara a fila nyɔgɛ la. Wo kɔma, anu ya Sedokila saraka-masɔ-wɔlɛ lawasa ka dantɛgɛ-tuli kɛ anubɛ mansɛ salɛ rɔ.

2 Ko-Kɔrɔta-Karan 32:30

Ale Mansa Hɛsakaya ya Kiyɔn tenke gberen ka kilɛ di yi wo ma ha a tugura Yerusalɛm so-tarɛ burɔ. Mansɛ ya a bole bila fen min bɛɛ rɔ, wo sabatira.

2 Ko-Kɔrɔta-Karan 33:14

Wo kɔma, Mansa Manasa ya tarɛ-kɔmatɛ lakoloya tele-bɔɛ wara la. A ya wɔlɛ wo dabira lɛɛ rɔ Kiyɔn tenke wara la ka ta kantɔ-wara la ha ka ta ke don-dɛ ma min tɔgɛ le ko, “Yɛgɛ.” Yerusalɛm soe tonke min tɔgɛ le ko, “Ofɛli,” a ya nyɔ-tarɛ ladan fanan. Tarɛ mininɛ soe minnu ma Yuda nyamanɛ rɔ, a ya kɛlɛ-den-kunyɛ donu nata soe wonu tɔ.

Saraka-Masɔlɛnuta Tɔnnu 19:19

“Wo ni nta tɔnnu bira. Wo kana kolo-fen subolo filɛ lamara kan tinɛ kelen. Anu kana anu nyɔgɔn yɛlɛ. Wo kana fen subolo filɛ ki sɛnɛ kelan rɔ. Wo kana kurɛ don wo kan na min nadannɛ yesekari subolo fila la.