1 Mansɛnu 1:3 - ALLALA KUMƐ

^3-4 Anu ya anu yɛ lakalan Isirɛla nyamanɛ bɛɛ rɔ ka dunmusu-kinyanɛ do nyini ale mansɛ ye. Anu ya Sunam kɛ, Abisagi yen min mafɛlɛn di kati! Musi wo mara mansɛ fɛ-biralɛ la ka wɔlɛ kɛ a ye. A tora mansɛ fɛ kɔnɔ mansɛ ma a ma ala musi la.

1 Mansɛnu 1:3 ပူးပေါင်းရင်းမြစ်များ

1 Mansɛnu 1:2

Woletɔ ala mɔgɔ-banu ya a fɔ a ye ko, “Ma tigi, ma ni sunkurun-nasɔlɔnɛ do nyini i ye alako a ni a sa i buyi kɔrɔ ka kimɛ bɔ i la. Wo ni ma i fɛ-biralɛ la ka wɔlɛ kɛ i ye.”

2 Mansɛnu 4:25

A sigira sofɛlɛ wo la. Anu ya Kamɛli kɔnkɛ kilɛ bira nɛbi wo siginɛ kan min. Nɛbi Ilaisa ya musi wo namatoe yen wula-yan la min kɛ, a ya a fɔ ala wɔli-kɛla Kɛhasi ye ko, “I yɛ lata Sunam musi wo ma nala pan.

2 Mansɛnu 4:8

Lunyɛ do, Nɛbi Ilaisa tara Sunam soe burɔ. Musu-nɔnfulu-tigi do siginɛ soe wo burɔ. Musi wo ya Nɛbi Ilaisa kele fen dɔn tinɛ. Ka a bi wulɔn ma ha a mɛra gbɛ, a wa ta nyɔ tuma-wo-tuma, a si fen-dɔn-kɛ musi wo warɛ.

Ɛsita 2:2

A makawandilɛ donu min gbɛrɛnnɛ a ma, wonu ya a fɔ a ye ko, “A fɔ ila nyamanita-mɔgɔ-banu ye ko anu ni anu yɛ lakalan ka na sunkurun-bulan-hakikɛ bɛɛ la i wara yan tɔ.

Ɛsita 2:4

Wo kɔma, i ni sunkurɔn kɛnu yabɔ. Min ba ile mansɛ yisi bira, i ni wo ma ila bara-musi la Fasati gbɛ rɔ.” Mansɛ miri ko makawandili-nyimɛ le kɛ la. A ya a ma wo nya.

Yasowa 19:18

Anu ya so-kun tan-ni-wɔrɔ sɔrɔn ka wo sa a dafɛ-so-mɛsɛnu kuma. So tan-ni-wɔrɔ wo do le kɛnu na, Yɛsɛreli, Kɛsuloti, Sunam, Hafarayim, Saiyon, Aneharati, Rabiti, Kisiyɔn, Abɛsi, Rɛmɛti, Ɛnganim, Ɛnhada, anubɛ Bɛti-Pasɛsi. Kantɔ-dan ya a dabira Tebɔ kɔnkɛ ma ka yigi ha Sehasaima anubɛ Bɛti-Simɛsi soenu ka ta dan Yorodan bɛ la tele bɔɛ.

1 Samuwɛli 28:4

Filisitinuna kɛlɛ-dannu ya anu daga makɛ Sunam soe dafɛ. Mansa Sɔli ya ata kɛlɛ-dannu Isirɛla mɔgɛnu fanan kundɛn ka anu daga makɛ Kilabowa kɔnkɛ kɔrɔ.