1 Mansɛnu 1:29 - ALLALA KUMƐ

²⁹ Dawuda ya a fɔ a ye ko, “N bara n keli Mari nimɛ rɔ min bi n nakisila masibɛ ma

1 Mansɛnu 1:29 ပူးပေါင်းရင်းမြစ်များ

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

2 Samuwɛli 12:5

Netan ban tili kɛ tɛgɛla a ye, Mansa Dawuda diminyara fen-tigi wo ma. A ko, “N bara n keli Mari rɔ, a bɛnta, mɔgɔ-su kɛ ni faga!

2 Samuwɛli 4:9

Dawuda ya a fɔ anu ye ko, “Mari-nimɛ min bi n nakisila masibɛ ma, n bara n keli wo rɔ.

1 Mansɛnu 1:28

Nba, Mansa Dawuda ya a fɔ ko, “Wo ni a na Batasiba kele tun.” Batasiba nanɛ,

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 18:10

A ye mabɛ ita Mari Alla-nimɛ tɛma, wo nyamani sa nyɔ tun mansɛ ma ta wɛ i nyinina kan min. A wa ta i nyini tinɛ kan min, ni nyɔ kun-tigi ya a fɔ ko i sa nyɔ, ale Mansa Ehabu si a ma, kun-tigi wo ni a gboro ka a fɔ ko a ma i yen.

1 Mansɛnu 2:24

A ye mabɛ ale Mari Alla-nimɛ tɛma min ya n sigi n fa Mansa Dawuda gbɛ rɔ, ale Alla min ya ala lanyiri wo kanbali ka mansayɛ di mabɛ n bɔnsɔn ma. Woletɔ n bara n keli Mari-nimɛ rɔ, Adonaya si faga bi, yɔ!”

2 Mansɛnu 4:30

Musi wo ya a fɔ Nɛbi Ilaisa ye ko, “N bara n keli Mari-nimɛ anubɛ ile ye ko n ti i to yan!” Wo le ya a ma, Nɛbi Ilaisa ya a lasɔ ka bila a fɛ.

2 Mansɛnu 5:16

Nɛbi Ilaisa ya a fɔ a ye ko, “N bi wɔlila Mari-nimɛ min ye, n bara n keli wo tɔgɛ rɔ ko n ti fenfen bira i bolo.” Neyaman nɔrɔta a ma kɔnɔ a ma sɔn.

2 Mansɛnu 5:20

ala wɔli-kɛla Kɛhasi gbɛngbɛrɛnta a nyɛrɛ ma ko, “N tigi Nɛbi Ilaisa ara Neyaman kɛ boloka wo nya na fufafu! Hali a nara fan minnu na ka a di a ma, a ma sɔn wonu na. N fotɛ Mari-nimɛ, fɔ n ba Neyaman kɛ sagaran, n ni ta fan do tara a bolo.”

Yaburi 136:24

A ya ma kunyɛ bɔ gbaran rɔ ma yogenu bolo. Ala keninteyɛ dan sa.

Yaburi 138:7

N nafoonɛ tenbi tɔrɔyɛ la, ile le si n nakanan. N yoge minnu yisi bɔnɛ, i wara i sɔ wonu na. I ya n nakanan ita sɛnbɛ la.

Yaburi 72:14

Minnu bi bolo-kolɔn bira boloko-yogomɛ-kɛla ka anu tɔrɔ, ale mansɛ si wonu tɔrɔ bawo bolo-kolɔn wonu niyi-sɔnkɔ sa.

Kɛlɛ-Kurugbɛnu 8:19

Kidiyɔn ya a fɔ ko, “N na kelen sɔrɔn le wonu na. N bara n keli Mari-nimɛ rɔ, ni wo ma wonu faga nun, n ti na wole fanan faga nun.”

1 Samuwɛli 14:39

Mari min bi Isirɛla mɔgɛnu kunkalɛ la, ale min bi a niyi la, n bara lanyiri kiri ale ye ko ni min ya ko-yogomɛ ma, hali nna den-sɔrɔnnɛ Yonatan le, n si a ma, wo ni faga.” Kɔnɔ mɔgɔ-wo-mɔgɔ ma kuma.

1 Samuwɛli 14:45

Kɔnɔ kɛlɛ-dannu ya a fɔ Mansa Sɔli ye ko, “A kin Yonatan kɛ ni faga min bara male Isirɛla kunka, wa? Ade! Wo fɛ yan! Ma ara ma keli Mari la, hali Yonatan kɛ kun-sigi kelan ti wurun. Yonatan kɛ ya koe min ma male Isirɛla mɔgɛnu ye bi, a ya wo ma le bawo Alla le ya a dɛnbɛ.” Anu ya Yonatan latanka sayɛ ma.

1 Samuwɛli 19:6

Yonatanna kumɛ wo marɛ ya Mansa Sɔli bira. A ya lanyiri kiri ko, “N bara n keli Mari la, n ti Dawuda faga.”

1 Samuwɛli 20:21

N si a fɔ nna dennɛ ye ko a ni ta nna kalabɛn wonu nyini. Ni n ya a fɔ a ye ko, ‘Kalabɛnnu bi yan bara la,’ wo kɔrɛ le, i ni bɔ gbɛ rɔ. I wara kisi. N bara n keli Mari la ko i ti kɔndɔfili sɔrɔn.