1 Mansɛnu 1:25 - ALLALA KUMƐ

²⁵ A ara ta ka ninkinu anubɛ ninki-bulan anubɛ sagɛnu siyaman bɔ sarakayɛ la. A ya ila dan bɛɛ kele anubɛ ila kɛlɛ-den-kunyɛ Yohabu anubɛ Saraka-Masɔla Abiyatari, ado anu bi fen dɔnna kan-tina-kelen kaka. Anu bi duwala ko, ‘Alamɛ Mansa Adonaya mɛra!’

1 Mansɛnu 1:25 ပူးပေါင်းရင်းမြစ်များ

2 Samuwɛli 16:16

Mansa Dawuda diyana-mɔgɛ Husayi ya Abasalɔm yen tumɛ min, a ya a kan nabɔ, a ko, “Alamɛ mala mansɛ mɛra! Alamɛ mala mansɛ mɛra!”

1 Mansɛnu 1:19

Adonaya ye sarakɛnu bɔla ka a dan-natenbi, ninkinu anubɛ ninki-bulan-tɔlɔnɛnu anubɛ sagɛnu, kɔni. A ya ila dannu anubɛ Saraka-Masɔla Abiyatari anubɛ ila kɛlɛ-den-kunyɛ Yohabu kele saraka-bɔɛ wo rɔ kɔnɔ a ma sɔn ila den Silamɛni kelela muk!

1 Mansɛnu 1:24

Ale Netan ya a fɔ mansɛ ye ko, “N tigi mansɛ, ile le ya a fɔ, wa ko Adonaya ni ma mansɛ la i gbɛ rɔ?

1 Mansɛnu 1:34

Wo wa ke nyɔ tumɛ min, Saraka-Masɔla Sedoki anubɛ Nɛbi Netan ni dantɛgɛ-tuli kɛ Silamɛni kunyɛ rɔ ka a ma mansɛ la Isirɛla mɔgɛnu kun na. Wo ni buri fɛ ka a fɔ ko, ‘Alamɛ Mansa Silamɛni mɛra!’

1 Mansɛnu 1:39

Saraka-Masɔla Sedoki ya dantɛgɛ-tuli bi ka bɔ Marita Fani-Bɔn la ka a kɛ Silamɛni kunyɛ rɔ ka a dantɛgɛ. Anu ya buri fɛ. Mɔgɛ bɛɛ ya a lasɔnkɔ. Anu ko, “Mansa Silamɛni, alamɛ i mɛra!”

1 Mansɛnu 1:9

Lun kelen, Adonaya ya sagɛnu anubɛ ninkinu anubɛ ninki-bulan-tɔlɔnɛnu ma sarakɛ la kuri do kuma min tɔgɛ Duguma-Fen-Kuri. Kuri wo sɔnɛ Ɛnrogɛli tenke dafɛ. Ale Adonaya ya a dɔgɛnu kele anubɛ mɔgɔ-ba min bɛɛ ye Yuda bɔnsɔn nyamanɛ rɔ alako anu bɛɛ ni bɛn saraka-bɔɛ wo rɔ.

1 Mansɛnu 2:15

Adonaya ya a fɔ a ye ko, “I ya a lɔn ko mansayɛ kɛ, ntɛ le nun. I ya a lɔn fanan ko Isirɛla mɔgɛnu sɔnta nta mansayɛ ma nun. Hali wo, anu bara a yɛlɛma ka a ma n dɔgɔtɛ la kamasɔrɔn Mari sɔnta wo le ma.

2 Mansɛnu 11:12

Saraka-Masɔla Yɛhoyada sɔra Yohasi yarɔ, anu bɔra Bato-Bɔn la mɔgɛ bɛɛ yala. Yɛhoyada ya mansaya-fulɛ sigi Yohasi salɛ la. Mansaya-tɔn minnu namaranɛ, a ya wonu don a karɛ tɔ. A ya dantɛgɛ-tuli kɛ a salɛ rɔ ka a ma mansɛ la. Mɔgɛnu ya lɛnkɛ gbesi. Anu ya a lasɔnkɔ, anu ko, “Alamɛ mala mansɛ mɛra ma kuma!”

2 Mansɛnu 11:14

A ke nyɔ, a ya mansa-kurɛ sɔnɛ taran Bato-Bɔn don-dɛ sɛnbɛrɛn-kɔn fɛ iko anuna namu ye nya min. Mansa-kurɛ kɛ lafoonɛ kandali-kɛlɛnuna kun-tiginu bolo anubɛ buru-fɛlɛnu anubɛ mɔgɛnu. Anu damasi ye a lawɔyɔla sewɛ bolo. Anu bi burinu fanan fɛla. Ale Atalaya ya wo rayen min kɛ, a ya ala duruki rafara yisi-tinyɛ bolo. A ya a fɔ ko, “Anu bi nna bu-koe le tɔ kɛ la.”

2 Mansɛnu 9:13

Tiriyante wo rɔ, anu ya anuna durukinu bɔ anu kan na ka anu tasa ale Yehu kɔrɔ dugi ma wo tumɛ ale Yehu sɔnɛ kan-tina-mayɛlɛnɛ do rɔ anu damasi kuma. Wo kɔma, anu ya buri fɛ. Anu dama ya a lasɔnkɔ ko, “Yehu ara ma mansɛ la.”

1 Ko-Kɔrɔta-Karan 29:13

Woletɔ male ye baraka birala i ye ka tantolɛ di ile mata Alla ma.

1 Ko-Kɔrɔta-Karan 29:21

Wo banda kɛ, anu ya saraka-siyaman bɔ Mari ye. Wo kɔma, anu ya saraka-soge wo do di mɔgɛnu ma. Anu ya tura waga kelen bi anubɛ saga-yigi waga kelen anubɛ saga-den waga kelen. Anu ya kɛ dama ma saraka-mintantɛ la. Wo kɔma, anu ya nɔnbɔ-gbɔ-yinu ma kɔ-fan la.

2 Ko-Kɔrɔta-Karan 23:11

A ban kɛ mumɛ bɛɛsi rabɛnna, Saraka-Masɔla Yɛhoyada tara mansa kurɛ kɛ bi ka a labɔ Bato-Bɔn luyi ma. A ya mansaya-fulɛ sigi Yohasi kunyɛ la. Tɔn minnu namaranɛ, a ya wonu don a bolo. Mansaya-tɔn minnu namaranɛ, a ya wonu don a bolo fanan. Saraka-Masɔla Yɛhoyada anubɛ ala dannu ya dantɛgɛ-tuli kɛ mansa-kurɛ wo salɛ rɔ ka a ma mansɛ la. Mɔgɛnu ya a lasɔnkɔ ka a fɔ ko, “Alamɛ mala mansɛ mɛra ma kuma!”

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Matiyu 22:4

Woletɔ kɔnyɔ-masɔɛ sara minnu kɔrɔ, a ya a sara ala wɔli-kɛla-gbɛrɛnu na ko, ‘Wo ta a fɔ wonu ye ko koe bɛɛ ra ara bɛn. N bara turɛnu anubɛ ninki-den-tɔlɔnɛnu faga. Ma ara fan bɛɛ rabɛn. Anu ni na kɔnyɔ-masɔɛ rɔ!’

Luka 19:38

Anu ko, “Allala duwɛ ni to mansɛ wo fɛ min bi nala Mari tɔgɛ rɔ! Yisi-kimɛ ni taran Arinyɛni tɔ. Gbiliyɛ ni di Alla ma san-kole bɛɛ kuma pon!”

1 Samuwɛli 10:24

Samuwɛli ya a fɔ mɔgɛnu ye ko, “Wo ara a yen Mari ara mɔgɛ min yabɔ? A nyɔgɔn-takɛn sa wo do-wo-do rɔ yan tɔ.” Mɔgɛ wo bɛɛ ya anu kan nabɔ anu nyɔgɔn fɛ anuna mansa kura wo ye ko, “Alamɛ i mɛra!”