1 Mansɛnu 1:12 - ALLALA KUMƐ

¹² Ni i ye a fɛ, wobɛ ila den Silamɛni niyi la ni kisi, n bi nala min fɔla i ye kɛ la, i ni wo ma tiriya!

1 Mansɛnu 1:12 ပူးပေါင်းရင်းမြစ်များ

Ko-Dabirɛnu 19:17

Melika wonu tara anu nabɔ soe kɔma tumɛ min, melika doi ya a fɔ anu ye ko, “Wo ni wo buri yɛlɛla kɔnkɛ kuma alako wo ni kisi. Kɔnɔ wo kana wo yɛ lasɛgi wo kɔma ka mɛ lɛɛ rɔ.”

1 Mansɛnu 1:13

Ta Mansa Dawuda wara kelenna! Ta a manyinika ni ale le ma lanyiri kiri i ye nun ko ila den Silamɛni le si ma mansɛ la a gbɛ rɔ? A manyinika ni min mara ko Adonaya ara ma mansɛ la a gbɛ rɔ.”

1 Mansɛnu 1:21

Ni i ma Silamɛni ma mansɛ la i gbɛ rɔ, wati do si ke, i wa faga tumɛ min, anu si mabɛ nna den Silamɛni mɔnima-birɛ-kɛ.”

2 Mansɛnu 11:1

Mansa Ehasaya na Atalaya ya a lamɔɛn min kɛ ko Mansa Yehu ara ala den Ehasaya faga, ale Atalaya ya mɔgɛnu sɔ ko anu ni a kegeyɛ bɛɛ faga

2 Ko-Kɔrɔta-Karan 21:4

Yɛhoram kɛ kunta Yuda nyamanɛ ma tumɛ min, a ya a dɔgɔ mɔgɔ wɔrɔ wonubɛ nyɔ-mɔgɔ-ba donu faga.

2 Ko-Kɔrɔta-Karan 22:10

Mansa Ehasaya na le Atalaya la. Ale Atalaya ya a lamɔɛn min kɛ ko Yehu ara ala den Mansa Ehasaya faga, ale Atalaya ya a nyɛrɛ mamanɛ bɛɛ faga.

Hɛnkilimaya-Kumɛnu 11:14

Ni hɛnkili-kɔla sa mɔgɛ minnu kuma, anu ti anu yogenu nɔ. Kɔnɔ ni hɛnkili-kɔla-siyamɛ ye kan min, nyɔ-mɔgɛnu si nɔ-ko sɔrɔn.

Hɛnkilimaya-Kumɛnu 15:22

Ni mɔgɛ min ma a kawandililɛ sɔrɔn, wo ti ta yarɔ. Ni min ya a kawandililɛ sɔrɔn, wo wara-koe si ta yarɔ.

Hɛnkilimaya-Kumɛnu 20:18

Yanni mɔgɛ ni ko ladan, a ni mɔgɛ do nyini min si hɛnkili di a ma. Hali mɔgɛ ye kɛlɛ-belebele do kɛla, fɔ a ni mɔgɛ donu sɔrɔn minnu si hɛnkili di a ma.

Hɛnkilimaya-Kumɛnu 27:9

Mɔgɔ diyana-mɔgɔta kawandili-kan mani de iko sɛnti-suma-diyamɛ ye nya min.

Yɛrɛmaya 38:15

N ya a fɔ a ye ko, “Ni n ya tonyɛ fɔ i ye, i si n faga. Ni n ya i makawandi, i ti i wɔlɔ matɔlɔ n na.”

Matiyu 21:38

Kɔnɔ anu ya ala dan wo yen nala tumɛ min, anu ya a fɔ anu nyɔgɔn ye ko, ‘Ki-fen-tigila dan le nala kɛ la. Wo na, ma ni a faga. Ma si a bolo-fannu sɔrɔn worɔ!’

Kɛwɔlɛnu 27:31

Kɔnɔ Pɔli ya a fɔ kɛlɛ-den-kun-tigi anubɛ kɛlɛ-dannu ye ko, “Ni kulun-tawɔli-kɛlɛ kɛnu ma to kulɔn rɔ, wo ti ke kisila.”

Kɛlɛ-Kurugbɛnu 9:5

Kidiyɔnla dan Abimɛlɛki ya a fa-kelen-dan wonu bi ka ta anu na anu fa warɛ Ɔfara soe burɔ. A ya a na-kelen-nyɔgɛ mɔgɔ bi-wɔrɔnfila bira anu faga-koe la farɛ do kuma nyɔ. Kɛ bɛɛ rɔ fɔ mɔgɔ kelen, wo le kunyɛ bɔra a rɔ. Anu dɔgɛ laban Yɔtam, wo le ya a buri a kɔrɔ ka a dogon.