1 Mansɛnu 1:1 - ALLALA KUMƐ

¹ Nba, Mansa Dawuda kɔrɔyara tumɛ min, anu si kurɛ burun a ma kɔnɔ hali wo, kimɛ ti bɔ a la.

1 Mansɛnu 1:1 ပူးပေါင်းရင်းမြစ်များ

Ko-Dabirɛnu 18:11

Nba, Iburayima anubɛ Sira ara kɔrɔya nun. Anu bara san siyaman bɔ. Sirala den-sɔrɔn-wati ara tenbi.

Ko-Dabirɛnu 24:1

Mari tora ata duwɛ yigila Iburayima kuma koe bɛɛ rɔ ha a kɔrɔyara kɔbɔkɔbɔ!

2 Samuwɛli 24:25

A ya saraka-mintan-tinɛ sɔ nyɔ Mari ye. A ya saraka-mintantɛ anubɛ yisi-kima-sarakɛnu bɔ. Mari ya ala madiyali-kan lamɔɛn ka tɔn sigi kiraya-fitinɛ wo la Isirɛla nyamanɛ rɔ.

2 Samuwɛli 5:4

A sɔrɔn-san bi-sawa nyɔgɛ ma, a mara mansɛ la. Wo kɔma, san bi-nani, a ye mansayɛ la.

1 Mansɛnu 1:15

Nba, Batasiba tara don mansɛ kuma. Wo ya a taran, Sunam kɛ Abisagi ye mansɛ fɛ-birala nyɔ bawo mansɛ ara kɔrɔya.

1 Mansɛnu 1:2

Woletɔ ala mɔgɔ-banu ya a fɔ a ye ko, “Ma tigi, ma ni sunkurun-nasɔlɔnɛ do nyini i ye alako a ni a sa i buyi kɔrɔ ka kimɛ bɔ i la. Wo ni ma i fɛ-biralɛ la ka wɔlɛ kɛ i ye.”

1 Ko-Kɔrɔta-Karan 23:1

Mansa Dawuda kɔrɔyara tumɛ min kɔbɔkɔbɔ, a ya ala den Silamɛni sigi mansayɛ la Isirɛla mɔgɛnu kun na.

Yaburi 90:10

Ma siyi si san bi-wɔrɔnfila le bɔ dɔrɔn. Ni ma kɔgɔra, ma si san bi-segin bɔ. Kɔnɔ hali ma ye ma diya wati min, yakɔrɔ-mamɔɛ ye ma kuma tolon, ado ma siyi ti mɛ banna.

Makawandili Kumɛnu 4:11

Mɔgɔ filɛ le sanɛ bɛnta kimɛ rɔ kɔnɔ mɔgɔ kelan sanɛ si kimɛ bɔ a nyɛrɛ la kama?

Luka 1:7

Anu ma den sɔrɔn bawo Ilisabɛti, gbandɛ le, ado anu filɛ bɛɛ ara kɔrɔya kati!

Yasowa 13:1

Yasowa kɔrɔyara tumɛ min, Mari ya a fɔ a ye ko, “I wara kɔrɔya kɔnɔ hali wo, nyamanɛ donu bi nyɔ wo si minnu kɛlɛ tun.