1 Yɔni 3:10 - ALLALA KUMƐ

¹⁰ Nba, dan-nafarɛ-bɛrɛ ye Allala dannu anubɛ Setanɛla dannu tɛma. Minnu ti ko-latelennɛ kɛ wo, minnu ti a na-kelen-nyɔgɛ keni wo, Allala den ma wonu na.

1 Yɔni 3:10 ပူးပေါင်းရင်းမြစ်များ

2 Samuwɛli 13:22

Aminɔ sɔgɔ labɔra Abasalɔm na lass, bawo a ara ko-yogoma-su wo ma a tirisan-musi la. A ma sɔn a da sɔla a ma.

Matiyu 13:38

Sɛnɛ wo kɔrɛ le duninya kɛ la. Sugu-nyimɛ wo kɔrɛ le mɔgɛ minnu bi Allata mansayɛ rɔ. Bin-kole, wo kɔrɛ le Setanɛta mɔgɛnu na.

Luka 6:35

Wo ni wo yogenu keni ka ko-nyimɛ kɛ anu ye. Wo ni anu dɔndɔ, hali wo ma wo hɛnkili lamiri fen-sɔrɔn-koe ma anu bolo tun. Wo si barayi-ba sɔrɔn. Alla min bi Fan Bɛɛ Kun na, wo si ma ale Allata dannu na, ado Alla ye ko-nyimɛ kɛla fisiriwɔlɛnu anubɛ wunduyogenu ye.

Yɔni 1:12

Kɔnɔ donu ya a rabira ka dɛnkɛninya a ma. Woletɔ a ya sɛnbɛ di wonu ma ka anu ma Allatalata dannu na.

Yɔni 11:52

ado a sa fagala Yahudiyanu dɔrɔnna ko la. Kɔnɔ a si faga alako Allala mɔgɛ bɛɛ min tanyɛnsɛnnɛ, a si wonu nadɛn kan-tina-kelen ka anu ma kelen na.)

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Yɔni 8:47

Ni min bɔnɛ Alla warɛ, wo si a tole masɔ Allala kumɛ la. Nba, wole ma bɔ Alla warɛ, woletɔ wo sa wo tole masɔla n na.”

Kɛwɔlɛnu 13:10

A ko, “Ile, Setanɛta dan! Fan min bɛɛ kin, i ye wonu kan ma. I burɛ lafanɛ ko-yogomɛ sifa bɛɛ la. Tuma-wo-tuma, i ye i rayala ka Marita tonyɛ yɛlɛma foninyɛ la!

Romu 13:8

Mɔgɔna-yili kana to i la fɔ yili kelen pe, wo le ka ma nyɔgɔn keni. Min ba a ta-nyɔgɛ keni, wo ara tɔn-kitabu bɛɛ kanbali.

Ɛfɛsa 5:1

Woletɔ wo ni wo raya ka Alla sɔn bi bawo a diyana-dan le wole la.

Kɔlɔsi 3:14

Keninteyɛ min bi wo kirila wo nyɔgɔn ma, wo ni sa kɛ bɛɛ kuma alako wo ni ma kelen na.

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

1 Yɔni 2:29

Wo hɛnkili ni to kɛ ko. Kirasiti, mɔgɔ-latelennɛ le. Wo ni a lɔn worɔ ko min bɛɛ si ko-latelennɛ kɛ, Allata dan le wo tigi la.

1 Yɔni 3:1

Ma Fa Alla ara ma keni nya min, wo mafɛlɛn! Ala keninteyɛ kolo kati! A kolo ha, a ara ma kele ko ata dannu, ado male le wo la serr! Wo le wara a ma, duninya ma male lɔn bawo a ma Alla fɔlɔn lɔn.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

1 Yɔni 4:21

Kirasiti ya tɔn kɛ di ma ma—a ko min bi Alla kenina fɔ wo ni a na-kelen-nyɔgɛ keni fanan.

1 Yɔni 4:6

Kɔnɔ Allatɛ le male la. Ma si dan-nafarɛ lɔn tonya-niyi anubɛ foninya-niyi tɛma kɛ le fɛ—min ya Alla lɔn, wo si a tole masɔ male la. Allata ma min na, wo ti a tole masɔ ma la.

1 Yɔni 4:8

Keninteya sa min bolo, wo tigi ma Alla lɔn bawo Alla le keninteyɛ la.

1 Yɔni 5:19

Ma ya a lɔn fanan ko Allatɛ le male la kɔnɔ duninya bɛɛ ye Setanɛta sɛnbɛ kɔrɔ.

1 Yɔni 5:2

Ma ya a lɔn ko ma ara Allala dan keni kɛ le fɛ bawo ma ye Alla kenina ka ata tɔnnu bira.

3 Yɔni 1:11

N diyana-mɔgɛ, i kana bila ko-yogomɛ fɛ fɔ ka ko-nyimɛ ma wola misalɛ la. Min bi ko-nyimɛ kɛla, Allatɛ le wo tigi la. Min bi ko-yogomɛ kɛla, wo tigi ma Alla lɔn.