1 Kɔrɛnti 9:7 - ALLALA KUMƐ

⁷ Yon bara a lamɔɛn ko kɛlɛ-dan ye a nyɛrɛta balu sarala? Nako-tigi don, wo ti a nyɛrɛta ki-fen-gbɔɛnu dɔn, wa? Ninki-tigi ti nonɛ min ka bɔ ata ninkinu tɔ, wa?

1 Kɔrɛnti 9:7 ပူးပေါင်းရင်းမြစ်များ

Hɛnkilimaya-Kumɛnu 27:18

Mɔgɛ min bi ala ki-fan fɛ-birala, wo le ye ala ki-fan wo gbɔɛ dɔnna. A ye wo nya na le fanan, wɔli-kɛlɛ min bi ala kun-tigi fɛ-birala, wo le ye gbiliyɛ sɔrɔnna.

Hɛnkilimaya-Kumɛnu 27:27

Baa-toe minnu bi tola, i si to wonu burunna ka wonu nonɛ ma ila denbaya-beli-koe la. Hali ila wɔli-kɛla-sunkurun-mɛsɛnu si do sɔrɔn wo rɔ.

Keninteya-Siginu 8:12

Silamɛni ni sewa ala wodi-gbɛ-gbu waga kelen-kelan wonuna ko la. Minnu bi nakɔɛ wo makandanna, wonu ni sewa anuna wodi-gbɛ-gbu kɛmɛ fila filɛ la. Kɔnɔ nde halala-nakɔɛ ye n bolo.

Aiseya 7:22

wonu si nonɛ min nabɔ, wo si a makoe bɛɛ nyinya nonɛ wo rɔ, ado a mɔgɛ toe min tonɛ nyamanɛ rɔ, wonu si to fɛnɛ anubɛ liyi dɔnna.

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

Tɔn-Fɔɛ-Fila-Nyɔgɛ 18:8

Hali a ya a bolo-fan bɛɛsi mayira ka nɔnfuli sɔrɔn a bɔra kan min kɔnɔ saraka-masɔlɛnu bi fan min bɛɛsi sɔrɔnna Marita kan-tina-yabɔnɛ wo rɔ, anu damasi bɛnta worɔ.

Tɔn-Fɔɛ-Fila-Nyɔgɛ 20:6

Mɔgɛ do ye wo tɛma yan tɔ minna ki-fan gbɔ-fɔlɔtɛ ara ke keri ma? Ni wo ye wo tɛma, a ni sɛgi a warɛ. Ni wo tigi ya a tui, a ni ta a kunyɛ to kɛlɛ rɔ, mɔgɔ-gbɛrɛkɛ si to a diya ala ki-fan wonu tɔ.

1 Timoti 1:18

Nna den Timoti, i yili ni to wɔlɔyiya-kumɛ wonu ko min fɔra ila ko la kebi fɔlɔ. I tenbi kɛlɛ-nyimɛ kɛla Alla ye, kumɛ wonu ni ma ila kɛlɛ-kɛ-fannu na.

1 Timoti 6:12

I ni i se-koe-bɛɛ kɛ ka ta yarɔ dɛnkɛninya-koe rɔ, woletɔ i si habadan-nimayɛ bira i bolo filɛ la i nyɛrɛ ye. Alla ya i kele niyi wo le ma, wo tumɛ i ya sereya-nyimɛ yira dɛnkɛninya-koe rɔ sereya-siyaman yala.

2 Timoti 4:7

N bara n buri-nyimɛ kɛ, ado n bi buri-kɛ min na, n bara ke a dan ma. N bara lanayɛ bɛɛ kɛ.

1 Pita 5:2

N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.