1 Kɔrɛnti 9:26 - ALLALA KUMƐ

²⁶ Wo le ya a to, n bi n burila ha n ni ke n dan ma. N manɛ iko kei minnu bi anu nyɔgɔn tugula minnu ti foo anu ta-nyɔgɛ la.

1 Kɔrɛnti 9:26 ပူးပေါင်းရင်းမြစ်များ

Matiyu 11:12

Ka a dabira Yɔnila kawandili-bɔ-wati ma, ha ka a sigi bi tele nyɛrɛ la, karagbɛlɛnu bi anu tayala Allala mansayɛ kɛlɛla ka ala fanka bi anu nyɛrɛ ye fɔrɔsɛ la.

Luka 13:24

“Wo ni wo raya ka don da-dɔgɔmɛ la. N ni a fɔ wo ye, mɔgɔ siyaman si anu taya ka don kɔnɔ anu ti ke donna.

1 Kɔrɛnti 14:9

A ye wo nya na le. Wo ye min fɔla, mɔgɛ si wo nya-yen kama, ni wo ye a fɔla kan-gbɛrɛnu tɔ? Wo manɛ kuma-fuyi le la!

2 Kɔrɛnti 5:1

Ma ya a lɔn ko ma ye fani-bɔn kɛ minnu burɔ duninya kɛ rɔ, ma bagbuyi, kɔni, wonu ba wayan tumɛ min, bɔn ye Alla bolo Arinyɛni tɔ ma niyi ye, ado hadama-den ma bɔn wo sɔ. Wo si ma habadan-bɔn la ma ye.

2 Kɔrɛnti 5:8

Ma hɛnkili latɛgɛnɛ. A di ma ye bɛrɛkɛ ka bɔ ma fɛrɛ-bɔnkɛ kɛ rɔ ka ta ma sigi Mari fɛ.

Kalesiya 2:2

N tara bawo Alla le ya a lagbɛ n ye ko n ni ta. Mabɛ chɔchi-mɔgɔ-banu ya ma kun nayigi. N ya kibara-nyimɛ-kawandili bɔ sibolo-gbɛrɛnu ye nya min, n ya wo faranfasi anu ye ladɛn wo rɔ. N bara wɔlɛ min kɛ fɔlɔ-nun wo, n bi min kɛla kaka wo, n sa a fɛ, wo fenfen ni ma fuyi la.

Ɛfɛsa 6:12

Ma sa mɔgɛnu kɛlɛla fɔ pinpirɔ-koe minnu ti yen yɛ la. Dogonta-koe minnu bi kan tinɛ bɛɛ rɔ, a nyina-kun-tigi wo, a fenfen min bi Alla kan ma wo, ma ye wonu denu kɛlɛla.

Filipai 1:21

N bi n niyi la nfenna? Nde yala, Kirasiti le wo kɔrɛ la! Nba, sayɛ le si ma tɔnɛ la worɔ nde yala.

Kɔlɔsi 1:29

N bi wɔlila wola ko la ka n taya bɛrɛkɛ! Kirasiti ye fanka min dila ma ma, fanka wo ye wɔlila n tɔ.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

2 Timoti 2:5

Mɔgɛ min bi a rayala nyɔgɔn-to-buri rɔ, wo ti barayi sɔrɔn fɔ a wa sereyanu bira.

2 Timoti 4:7

N bara n buri-nyimɛ kɛ, ado n bi buri-kɛ min na, n bara ke a dan ma. N bara lanayɛ bɛɛ kɛ.

Hiburunu 12:1

Nba, ma ara mɔgɛ min bɛɛla ko fɔ wo ye nun, ma lafoonɛ wonu na. Anu bara anuna dɛnkɛninyɛ lagbɛ ma ye. Woletɔ koe min bɛɛ si a ma, ma ni bui, ma ni wonu boloka. Hakɛ min bara ma bira gben, ma ni wo bɛɛ boloka! Nyɔgɔn-to-buri min bi ma yarɔ, ma ni ma tunadiya wo ma wona.

Hiburunu 4:1

Nba, Alla ya lanyiri kiri ma ye ko ma si don sulen tinɛ wo rɔ, ado lanyiri wo tonɛ a ma min kɛ, ma ni a ma ma fɛrɛma ko ma fenfen kana na foo sulan wo la iko ma benbanu.

1 Pita 5:1

Wole chɔchi-mɔgɔ-banu, n bi kɛ sɛbɛla ka wo kɔntɔ-diya. Chɔchi-mɔgɔ-ba le nde fanan na, ado Kirasiti ara tɔrɔyɛ minnu sɔrɔn, wo sereyɛ le nde la. Nde fanan si bɛn gbiliyɛ wo rɔ min si na bɔ gbɛ ma.

2 Pita 1:10

Woletɔ n na-kelen-nyɔgɛnu, koe kɛ minnu si yili-latɛgɛ di wo ma ko Alla ara wo kele ka wo yabɔ, wo ni wo raya wonu ma, ado ni wo ya wo ma, wo ti bui ka wola dɛnkɛninyɛ boloka mumɛ!