1 Kɔrɛnti 9:22 - ALLALA KUMƐ

²² Minnu sɔndɔmɛ rafaganɛ, fɔ n ni n nyɛrɛ ma iko anu denu fanan alako n ni wonu masɔrɔn nya min. Fɔ ni n mara fan bɛɛ la mɔgɛ bɛɛ ye alako n ni donu kisi anu tɔ.

1 Kɔrɛnti 9:22 ပူးပေါင်းရင်းမြစ်များ

Romu 11:14

Tumado, wo le si a ma, keliyɛ si wuli nta mɔgɛnu na alako Alla si donu kisi anu tɔ nya min,

Romu 14:1

Mɔgɛ minnuta dɛnkɛninyɛ ma kolo wo tɛma, wo ni wonu tabira. Ka a fɔ ko kɛ bɛnta, kɛ ma bɛn, wo sɔsɔli-sufa kana na wo tɛma.

Romu 14:2

Mɔgɛ do lanɛ a la ko a si ke fan bɛɛ dɔnna. Mɔgɛ minta dɛnkɛninyɛ ma kolo, wo ti soge dɔn fɔ sɛnita-fannu gbansan!

Romu 15:1

Sɛnbɛ ye male min na dɛnkɛninyɛ la, a bɛnta, min tafaganɛ, ma ni wonu sɛnbɛ don ka anu dɛnbɛ anuna dunɛnu bila. Ma kana bila ma nyɛrɛ diyana-koenu dɔrɔn fɛ.

Romu 15:2

Ma kelen-kelennamɛ-bɛɛ ni ko-nyimɛ kɛ ma na-kelen-nyɔgɛnu ye min si anu hɛnɛ alako anu ni sabati dɛnkɛninyɛ rɔ,

1 Kɔrɛnti 10:33

Wo ni a ma wo fɛrɛma iko nde ye a mala nya min. N bi n tayala ka mɔgɛ bɛɛ hɛnɛ koe bɛɛ rɔ. N sa n mirila ko-nyimɛ ma n nyɛrɛ ye dɔrɔn fɔ mɔgɛ bɛɛ ye alako anu denu ni kisi.

1 Kɔrɛnti 8:13

Nba, ni dɔn-fan si a ma, n na-kelen-nyɔgɛ ni hakɛ kɛ, nde nyɛrɛ ti soge dɔn tun wo rɔ mumɛ! N kana n na-kelen-nyɔgɛnu nabui hakɛ rɔ.

1 Kɔrɛnti 9:19

Hɔrɛ le nde la, mɔgɛla yɔɔn ma n na. Kɔnɔ n bara n nyɛrɛ ma bɛɛta yɔɔn la alako n ni mɔgɔ siyaman sɔrɔn Yisa ye.

1 Kɔrɛnti 9:23

N bi wo bɛɛ kɛla kibara-nyimɛ lela ko la alako mabɛ wonu ni barayi sɔrɔn ma nyɔgɔn fɛ.

2 Kɔrɛnti 11:29

Ni nta mɔgɛ dola sɛnbɛ ma ara dɔgɔya, nde fananta sɛnbɛ ma si dɔgɔya. Ni mɔgɛ do ya nta mɔgɛ do ladon hakɛ rɔ, wo si n yisi tɔrɔ ha ka a dan natenbi.

Kalesiya 6:1

N na-kelen-nyɔgɛnu, wole min bilanɛ Allata Ni-Sɛnimɛ fɛ, ni wo ya mɔgɛ do bira ko-yogoma-kɛ la, wo ni a latelen. Wo ni a kɛ dinyɛ rɔ. Kɔnɔ wo ni a ma wo fɛrɛma alako wo fanan kana na ko-yogomɛ ma.