1 Kɔrɛnti 9:20 - ALLALA KUMƐ

²⁰ N tenbi sereyɛ bɔla Yahudiyanu ye, n si n nyɛrɛ ma iko Yahudiya alako n ni Yahudiyanu masɔrɔn. Minnu bi Nɛbi Musata tɔn kɔrɔ, n tenbi sereyɛ bɔla wonu ye, hali nde nyɛrɛ sa tɔn kɔrɔ, n si n nyɛrɛ mara iko n bi tɔn kɔrɔ le alako n ni wo donu masɔrɔn.

1 Kɔrɛnti 9:20 ပူးပေါင်းရင်းမြစ်များ

Kɛwɔlɛnu 16:3

A sɔgɛ ya Pɔli bira ka ta Timoti la a bolo. A ya a lakemininya ka a tɛgɛ Yahudiya min bɛɛ siginɛ kan tinɛ wonu tɔ. Wonu ya a lɔn ko Timoti fa, Kiriki le minnu ti anuna dannu nakemininya.

Kɛwɔlɛnu 18:18

Pɔli ya tele siyaman bɔ Marita mɔgɛnu fɛ Kɔrɛnti soe burɔ. Wo kɔma, ale wo, Akuwila wo, anubɛ Purusila donta kulɔn rɔ ka ta Siriya nyamanɛ rɔ. Yanni a ni don kulɔn rɔ, a ya a kunyɛ sii Sɛnkariya soe burɔ bawo a ara a dato Alla ye nun.

Romu 11:14

Tumado, wo le si a ma, keliyɛ si wuli nta mɔgɛnu na alako Alla si donu kisi anu tɔ nya min,

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Kalesiya 2:19

Nba, a mani de iko n bara faga tɔn wara-koe ma, ado n sa Yahudiyanuna tɔn-kitabu kɔrɔ tun alako n ni to Allatɛ rɔ nya min. A mani de iko malebɛ Kirasiti le fagara ma nyɔgɔn fɛ kɔlɔma ma.

Kalesiya 4:21

Wole minnu bi a fɛ ka to Nɛbi Musata tɔn-kitabu kɔrɔ, n ni wo manyinika koe do ma. Tɔn-kitabu ya min fɔ, wo ma wo lamɔɛn, ba?

Kalesiya 4:5

alako male min fanan bi tɔn-kitabu wo kɔrɔ, ma ni hɔrɔya ka ma Allala dan la.

Kalesiya 5:18

ado ni wo tora bilala ata Ni-Sɛnimɛ fɛ, wo sa Nɛbi Musata tɔn-kitabu kɔrɔ tun.