1 Kɔrɛnti 9:19 - ALLALA KUMƐ

¹⁹ Hɔrɛ le nde la, mɔgɛla yɔɔn ma n na. Kɔnɔ n bara n nyɛrɛ ma bɛɛta yɔɔn la alako n ni mɔgɔ siyaman sɔrɔn Yisa ye.

1 Kɔrɛnti 9:19 ပူးပေါင်းရင်းမြစ်များ

Hɛnkilimaya-Kumɛnu 11:30

Mɔgɔ-telennɛnu si gbɔ nimayɛ la iko kɔlɔmanu si gbɔ nya min. Hɛnkilimɛnu si mɔgɛnu sagan telenbagayɛ wara.

Matiyu 18:15

“I ta-nyɔgɛ dɛnkɛninya-mɔgɛ wa ko-yogomɛ ma i la, ta a fɔ a ye. Kɔnɔ i ni a kɛ dogɔn rɔ, wo filɛ tɛma. Ni a ya a sɔn-a-la ko a ara ko-yogomɛ ma i la ka i madiya, a ara ma i na-kelen-nyɔgɛ la tun.

Romu 1:14

Alla lɔnna wo, a lɔnbɛli wo, a karanna wo, a karanbɛli wo, Alla ara n ma kilayɛ la mɔgɛ bɛɛ ye, ado fɔ n ba wo ma.

Romu 11:14

Tumado, wo le si a ma, keliyɛ si wuli nta mɔgɛnu na alako Alla si donu kisi anu tɔ nya min,

Romu 15:2

Ma kelen-kelennamɛ-bɛɛ ni ko-nyimɛ kɛ ma na-kelen-nyɔgɛnu ye min si anu hɛnɛ alako anu ni sabati dɛnkɛninyɛ rɔ,

1 Kɔrɛnti 10:29

Ka a fɔ ko wo kana a dɔn wo nyɛrɛ sɔndɔmɛla ko la, wo ma de, fɔ ale min ya wo fɔ wo ye. Nba, mɔgɛ do si nyinikalɛ sa ko, “Ni mɔgɔ sɔndɔmɛ ya a tɔrɔ, wo si a ma, n bi nyinina min ma, n ti wo ma, wa? N ma hɔrɔya ka n diyana-koenu ma, wa?

1 Kɔrɛnti 10:33

Wo ni a ma wo fɛrɛma iko nde ye a mala nya min. N bi n tayala ka mɔgɛ bɛɛ hɛnɛ koe bɛɛ rɔ. N sa n mirila ko-nyimɛ ma n nyɛrɛ ye dɔrɔn fɔ mɔgɛ bɛɛ ye alako anu denu ni kisi.

1 Kɔrɛnti 9:1

Hɔrɔ ma nde la, wa? Kilaya ma nde la, wa? Ado nfan, nde nyɛrɛ ya Mari Yisa yen n yɛ la. Nta wɔlɔ-belebele Mari ye, wo le ma a ma, wo mara dɛnkɛninya-mɔgɛ la?

2 Kɔrɛnti 12:14

A sawa nyɔgɛ le kɛ la, n bi n tabɛnna ka ta wo kɔndɔn tinɛ. N ti wo manyinika fenfenna ko la, ado n sa wola wodi fɛ, fɔ wole nyɛrɛ. Fɛda, a ma bɛn, dennɛnu ni fen nadɛn anu sɔrɔnnɛnu ye. A bɛnta, anu sɔrɔnnɛnu ni fen nadɛn anuna dannu ye.

2 Kɔrɛnti 4:15

Wo dama ye kɛla ka a tɛgɛ wole ma. Nba, Allata hinɛ min bi kela mɔgɔ siyaman ma nya min, anu siyaman si baraka bira Allata gbiliyɛla ko la wo nya na le.

2 Kɔrɛnti 4:5

Ma sa ma nyɛrɛta koenu kawandili bɔla. Ma ye kawandili bɔla ko Yisa Kirasiti, Mari le. Ma ko male nyɛrɛ le wota wɔli-kɛlɛnu na Yisala ko la.

Kalesiya 5:1

Kirasiti ara ma hɔrɔya feu! Wo ara hɔrɔya min kɛ, wo ni wola hɔrɔyɛ bira gben! Wo kana sɔn ko Nɛbi Musata tɔn-kitabu ni wo ma yɔɔn la tun!

Kalesiya 5:13

N na-kelen-nyɔgɛnu, wo keleta hɔrɔyɛ le ma kɔnɔ wola hɔrɔyɛ kana ma masigima-koe la wo fɛrɛ-natanu ma-tinɛ. Min fisa, wo ni to wo nyɔgɔn dɛnbɛna keninteyɛ rɔ,

1 Timoti 4:16

I hɛnkili to i nyɛrɛ anubɛ ila karan ko. I ni to koe kɛnu kɛla bawo Alla si wobɛ i kan-namɔɛnnɛnu kisi ka a tɛgɛ ila wɔli-nyimɛ ma.

2 Timoti 2:10

Wo le ya a to, n bi n muinna koe bɛɛ kɔrɔ Allata mɔgɔ-yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan-gbiliyɛ rɔ nya min.

1 Pita 3:1

Musinu fanan ni sɔnnaya anuna keinu ye wo nya na le. Woletɔ ni minna kei dɛnkɛninyani ma Allala kumɛ ma, a si yɛlɛma ka dɛnkɛninya ala musi wo kɛ-nyala ko la. Hali a ma fenfen fɔ