1 Kɔrɛnti 9:13 - ALLALA KUMƐ

¹³ Wo ya a lɔn serr, ko minnu bi wɔlila Alla-Bato-Bɔn la, wonu si anu niyi sɔrɔn Alla-Bato-Bɔn wo le la, ado minnu bi sarakɛnu bɔla saraka mintan tinɛ kuma, wonu si anutɛ sɔrɔn sarakɛ wonu denu tɔ.

1 Kɔrɛnti 9:13 ပူးပေါင်းရင်းမြစ်များ

Saraka-Masɔlɛnuta Tɔnnu 21:22

Kɔnɔ Mari ko mɔgɔ sufa kɛnu si ke le ka yisi-kima-sarakɛ dɔn anubɛ min dantɛgɛnɛ saraka-masɔlɛnu ma.

Saraka-Masɔlɛnuta Tɔnnu 22:7

Fɔ fitiri magben ma, a ni to sɛninyala. Wo kɔma gbɛ, a si ke le ka saraka-sɛnimɛnu dɔn worɔ.

Saraka-Masɔlɛnuta Tɔnnu 6:26

Saraka-masɔlɛ min si a faga, wo si a dɔn kan-tina-sɛnimɛ rɔ Marita Fani-Bɔn kata burɔ.

Saraka-Masɔlɛnuta Tɔnnu 7:31

Saraka-masɔlɛ wo si a kɛɛn wonu mintan kɔnɔ a sisi wo si to saraka-masɔlɛnu ye.

Yilan-Yilan Koe 18:31

Ni wo ara ban wo yaka dila Mari ma, a ma yogo ni wo ya a toe dɔn mumɛ! Kɔnɔ wobɛ wola denbayɛnu si ta a toe la wo wara-bɔnnu na ka a bɛɛ dɔn fegba! Wo sarɛ le kɛ la bawo wo ye wɔlila Marita Fani-Bɔn la.

Romu 6:16

Ado nfan, wole ya a lɔn ko wo wa wo nyɛrɛ lasɔnnaya iko yɔɔn ka mɔgɛ dola kumɛ bira, wo ara ma yɔɔn la kun-tigi wo ye. Ni wo tora hakɛ kɛla, wo si ma yɔɔn la hakɛ kɔrɔ, min si a laban sayɛ ma, ni wo ma, wo si ma Allala yɔɔn la ala kuma-birɛla ko la, min si a laban ko-latelennɛ ma Alla ye.

1 Kɔrɛnti 10:18

Wo ni wo miri Isirɛla mɔgɛnu ma. Minnu bɛɛsi ye saraka-sogenu dɔnna, anu bɛɛsi yisi sanɛ anu nyɔgɔntɛ kuma saraka-dɔn wo fɛ.

1 Kɔrɛnti 9:24

Wo ya a lɔn serr, ko hali buri-kɛlɛ siyaman si anu buri kɔnɔ mɔgɛ kelen pe le si sarɛ wo sɔrɔn. Nba, wo ni wo buri wo nya alako wo ni wota sarɛ sɔrɔn.

Tɔn-Fɔɛ-Fila-Nyɔgɛ 10:9

Anu mɛ saraka-masɔlɛnu na Mari ye iko Mari Alla ya a fɔ anu ye nya min, wo le ya a ma, anu bɔnsɔn ma anuna lanyiri-nyamani-fen sɔrɔn anu nyɛrɛ ma iko bɔnsɔn doinu ya a sɔrɔn nya min. Anu mako-nyinyalɛ le nde le kelen pe la.

1 Samuwɛli 2:28

A ya Aruna kebilɛ bɛɛsi yabɔ Isirɛla bɔnsɔn-mɔgɛnu tɛma ka anu denu dɔrɔn ma saraka-masɔlɛnu na a nyɛrɛ ye. A ko wo si to wɔlila saraka-mintan-tinɛ anubɛ isɛnti mintan tinɛ. Hali wole si a miriya lɔn saraka-masɔ-fɔlɔnfalan min fɛ, a ara sɔn ko wole ni wo don. Min sanɛ wo kuma, a ko hali wo si wo niyi sɔrɔn saraka-sogo-mintantɛ rɔ yanni a ni mintan.