1 Kɔrɛnti 7:39 - ALLALA KUMƐ

³⁹ Musi min bi furi rɔ, fananta ala kei ye a niyi la, a ye ala kei kɔrɔ. Kɔnɔ ni ala kei fagara, a ara hɔrɔya worɔ. Ni a di a ye, a ni ta kei-gbɛrɛkɛ warɛ kɔnɔ fɔ kei wo ni ma dɛnkɛninya-mɔgɛ la.

1 Kɔrɛnti 7:39 ပူးပေါင်းရင်းမြစ်များ

Malakayi 2:11

Wole Yuda kɛnu bara lanyiri tinya Alla wara la ka ko-yogoma-belebele do ma Yerusalɛm soe burɔ. Wo ma a ma nyɔ dɔrɔn tɔ. Wo ya a ma wola nyamanɛ mumɛ le tɔ! Wole Yuda kɛnu bara Bato-Bɔn wo latinya bawo wo ara sibolo-gbɛrɛ-musinu furu, ado musi wonu bi bɛsɛnu kɔla. Bato-Bɔn wo di ale Mari ye de!

1 Kɔrɛnti 7:10

Nba, wole furu-nyɔgɔn filɛ, n bi kɛ fɔla wole le ye kɔnɔ nta tɔn ma kɛ la, Maritɛ le. Wole musinu kana wola keinu boloka.

1 Kɔrɛnti 7:15

Ile dɛnkɛninya-musi, tumado, ila misali-nyimɛ si a ma, ila kei ni dɛnkɛninya. Ile dɛnkɛninya-kei, tumado, ila misali-nyimɛ si a ma, ila musi ni dɛnkɛninya. Hali wo, ni a sɔgɛ ya dɛnkɛninyabɛlɛ bira ka dɛnkɛninya-mɔgɛ wo boloka, nba, tana ma. Dɛnkɛninya-mɔgɛ, a keima wo, a musuma wo, anu filɛ fenfen kirini ma bawo Alla ya wo kele yisi-kimɛ le ma.

1 Kɔrɛnti 7:38

ado mɔgɛ min bi furi kɛla, wo ye ko-nyimɛ le kɛla. Min ma musi furu, wotɛ fisa de!