1 Kɔrɛnti 7:35 - ALLALA KUMƐ

³⁵ N bi kɛ fɔla wo dɛnbɛn-koe le la. N sa n tayala ka wo fɔrɔsɛ mumɛ! N bi a fɛ dɔrɔn, wo ni to ko-latelennɛnu kɛla. Wo ni wo nyɛrɛ di Marita wɔlɛ ma fasai!

1 Kɔrɛnti 7:35 ပူးပေါင်းရင်းမြစ်များ

Matiyu 19:12

ado kei ti musi furu minna ko la, wo kɔrɛnu siya. Donu ti ke musi furula ka bɛn anu sɔrɔn-nya ma. Donu ti ke furi kɛla bawo anu hadama-den-nyɔgɛ ya wo kɛ anu na. Nba, donu ti musi furu ka a tɛgɛ Allata mansayɛ ma. Ni min si ke karan kɛ birala, a ni a bira worɔ.”

Matiyu 22:15

Farisinu tara ka gbundu kiri anu si ta Yisa da-kɔrɔbɔ nya na.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Luka 8:14

Sugi min buira wɔnɛnu tɛma, wo mani de iko mɔgɛ min bi kumɛ lamɔɛnna kɔnɔ duninya hɔn-koe anubɛ nɔnfulu-keni anubɛ duninya diyana-ko-su bɛɛ ya a ma, kumɛ wo fagara a yisi rɔ feu! Ko ti bɔ ala dɛnkɛninyɛ rɔ hali!

1 Kɔrɛnti 7:2

Kɔnɔ yɛlɛnyɛ ara siyaya min kɛ, a fisa, kei bɛɛ ni musi furu. Musi bɛɛ ni sigi kei-wara-sigi rɔ.

1 Kɔrɛnti 7:28

Ni min ya furi kɛ, a ma hakɛ kɛ. Ni musi taranta kei-wara-sigi rɔ, a ma hakɛ kɛ. Wo sifanu bi tɔrɔyɛ minnu sɔrɔnna wati bɛɛ, n bi a fɛ ka wo tanka wonu denu ma.

1 Kɔrɛnti 7:36

Nba, tumado, kei do ara musi mabira nun kɔnɔ anu filɛ ara a latɛgɛ ko anu kana furi kɛ wɛ. Wo kɔma, kei wo ni a miri ko a sa ko-nyimɛ kɛla sunkurɔn wo wara la bawo fɛrɛ-bɔnku-nata ara tagbaya a ma. Ni a ya a miri ko a bɛnta a ni a furu, nba, a ni a furu. Hakɛ ma wo la hali!

Ɛfɛsa 5:3

Yɛlɛnyɛ wo, ko-kɔsɔnɛ wo, wasabɛlitayɛ wo, a ma bɛn, wo do-wo-do ni taran wole Allata mɔgɛnu tɛma.

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!

1 Timoti 1:10

yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

Taita 2:3

A fɔ musu-kɔrɛnu fanan ye wo nya ko anu ni anu tagama-nya sɛninya iko a bɛnnɛ musu-sɛnimɛnu ma nya min. Anu kana ma mɔgɔ-tɔgɔ-tinyalɛnu na, ni wo ma, baan-minnɛnu. Anu ni ma ko-nyima-karan-mɔgɛnu na.