1 Kɔrɛnti 7:30 - ALLALA KUMƐ

³⁰ Minnu bi dila, wonu ni to iko di-kɛbɛlɛnu. Minnu sewanɛ, wonu ni to iko sewabɛlɛnu. Minnu bara fannu san, wonu ni ma iko wo ti to anu bolo.

1 Kɔrɛnti 7:30 ပူးပေါင်းရင်းမြစ်များ

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Makawandili Kumɛnu 3:4

Di-kɛ-wati ye nyɔ, yɛlɛn-wati ye nyɔ. Nimisa wati ye nyɔ, dɔn-kɛ wati ye nyɔ.

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 30:19

Wole minnu siginɛ Yerusalɛm soe burɔ, wo ti di tun! Hinante le Mari la. Wo wa di a dala, a si wo yabi.

Isikiyɛli 7:12

“Wati ye nala kɔɔ! Fen-sannɛnu kana nyagalen anuna tɔnɛla ko la. Fen-mayiralɛnu yisi kana tɔrɔ anuna bɔnɛla ko la bawo nde, Marita tɔrɔyɛ si taran anu bɛɛ kuma nya-kun-kelen.

Luka 16:25

“Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Luka 6:21

Mɔgɔ-sewanɛ le wole kɔnkɔtoenu na bawo wo si fa pim! Mɔgɔ-sewanɛ le wole di-kɛlɛnu na bawo wo si na yɛlɛn!

Luka 6:25

Wole minnu buyi lafanɛ, gbalo ye wo kuma bawo kɔnkɛ si wo bira! Wole minnu bi yɛlɛnna kaka, gbalo ye wo kuma bawo wo si mɔni ka di!

Yɔni 16:22

A ye wo nya le wole fanan bolo. Wo yisi si gbala kaka kɔnɔ n si wo yen tun. Wo yisinu si fa sewɛ sifa wo la, mɔgɔ ti ke min bila wo bolo.

1 Kɔrɛnti 7:29

N na-kelen-nyɔgɛnu, n bi min ma, wo le kɛ la. Wati ma yan tun. Ka a bi bi ma, musu-tiginu ni to iko musu sa minnu bolo.

1 Kɔrɛnti 7:31

Minnu bi duninya-fannu nawɔlila, wonu ni to iko anuna ko sa wonu tɔ. Wo fenfen kana ila wɔlɛ tinya Alla bolo, ado duninya kɛ ye nya min bi, a tenbimatoe le.

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”