1 Kɔrɛnti 7:19 - ALLALA KUMƐ

¹⁹ N bi wo fɔla bawo kemininyɛ wo, kemininyabɛliyɛ wo, dan-nafara wo dan-nafara sa wo la Alla yala bawo Allata tɔn-birɛ, wo le kolo.

1 Kɔrɛnti 7:19 ပူးပေါင်းရင်းမြစ်များ

Matiyu 5:19

Woletɔ hali tɔn dɔgɔmanɛ, ni min ba a ban wo bira-koe ma ka donu karan wo ma fanan, Alla min bi Arinyɛni tɔ, wo tigi si ma mɔgɔ-dɔgɔmanɛ la ata mansayɛ rɔ. Kɔnɔ ni min si tɔn bira ka donu karan a bira-koe ma, wo tigi si ma mɔgɔ-ba la Allala mansayɛ rɔ.

Yɔni 15:14

Ni wo ya nna kumɛ bira, n diyana-mɔgɛnu de wole la.

Romu 3:30

Alla kelen de! A si ma bɛɛ latelen a nyɛrɛ ye dɛnkɛninyɛ fɛ, a Yahudiya wo, a sibolo-gbɛrɛ wo.

1 Kɔrɛnti 8:8

Ma ti ke Alla hɛnɛna dɔn-fen dɔn-koe la. Ni ma ma a dɔn, wo ti ma bɔnɔ fenfen tɔ. Ni ma ya a dɔn fanan, ma ti tɔnɔ-wo-tɔnɔ sɔrɔn wo rɔ.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

Kalesiya 6:15

Ni mɔgɔ kemininyara wo, ni a ma kemininya wo, tana-wo-tana ma wo la. Kɔnɔ min kolo, alako dɔrɔn ma ni ma mɔgɔ-kurɛ la Kirasiti ye.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.