1 Kɔrɛnti 6:6 - ALLALA KUMƐ

⁶ Kɔnɔ dɛnkɛninya-mɔgɛnu bi anu ta-nyɔgɛnu samasila alako Alla-lɔnbɛlɛnu ni anuna kiti tɛgɛ. Wo ma bɛn mumɛ!

1 Kɔrɛnti 6:6 ပူးပေါင်းရင်းမြစ်များ

Ko-Dabirɛnu 45:24

Yusufu ya a na-kelen-nyɔgɛnu masara. A ya a fɔ anu ye ko, “Wo ni a ma wo fɛrɛma. Wo kana kɛlɛ kilɛ la de!”

Kɛwɔlɛnu 7:26

Wo banda kɛ, a ya Isirɛla mɔgɔ fila yen kɛlɛla. A ya a raya ka kɛlɛ ban anu tɛma. A ko, ‘N bɔnu, wo ni wo tole masɔ. Na-kelen-nyɔgɛ le wole la. Nfenna wo ye ko-yogomɛ kɛla wo nyɔgɔn na?’

1 Kɔrɛnti 6:1

Ni sɔsɔlɛ taranta minnubɛ a na-kelen-nyɔgɔn tɛma, a ma bɛn hali ko a ni ta wo la Alla-lɔnbɛlɛnuna kiti tɛgɛ tinɛ. Yanni a ni wo ma, a fisa, Allata mɔgɛnu ni kiti wo ban anu nyɔgɔn tɛma.

1 Kɔrɛnti 6:7

Wo ye wola kitinu sala duninya-kiti-tɛgɛlɛnu kɔrɔ min kɛ, wo ara a yira wo la ko dɛnkɛninyabɛlɛnu bara wo nɔ feu! Hali anu bagara wo ma, wo ma fisa? Nfenna wo ti sɔn anu ni wo kensunya?

2 Kɔrɛnti 6:14

Wobɛ dɛnkɛninyabɛlɛnu kana ko-lakiri wo nyɔgɔn tɛma. Telenbagɛ anubɛ telenbɛlɛ si diya kama? Waan anubɛ pinpi si to anu nyɔgɔn fɛ kama?

2 Kɔrɛnti 6:15

Ado nfan, Kirasiti anubɛ Setanɛ si bɛn kama? Dɛnkɛninya-mɔgɛla nfen bi dɛnkɛninyabɛlɛ bolo?

1 Timoti 5:8

Ni mɔgɛ do ma a warɛ-mɔgɛnu makoe nyinya katarala a nyɛrɛta denbayɛ ma, wo ara a kan-kɔ sɔ dɛnkɛninyɛ la. Mɔgɔ-sufa wonu yogo dɛnkɛninyabɛlɛnu ko.