1 Kɔrɛnti 6:13 - ALLALA KUMƐ

¹³ Dogbɛrɛ si a fɔ ko, “Buyi ye dɔn-fanla ko la. Dɔn-fan fanan ye buyila ko la.” Tonyɛ le kɔnɔ wo filɛ bɛɛ si ban Alla bolo. Kɔnɔ fɛrɛ-bɔnkɛ ma dan yɛlɛnyɛla ko la fɔ ka wɔli Mari ye, ado Mari le ye ko-nyinyala fɛrɛ-bɔnkɛ ma.

1 Kɔrɛnti 6:13 ပူးပေါင်းရင်းမြစ်များ

Matiyu 15:17

Wo ma a nya-yen, ba? Fenfen ba don mɔgɛ dɛ rɔ, wo si yigi a burɔ. Wo kɔma, a si a kɛ ka bɔ a fɛrɛ rɔ.

Matiyu 15:20

Koe wonu denu si mɔgɔ latinya. Kɔnɔ ka fan dɔn bolo-lakubɛlɛ la iko anu bi a fɔla nya min, wo ti mɔgɔ latinya.”

Maraka 7:19

bawo dɔn-fan ti don a yisi rɔ fɔ ka yigi a buyi burɔ. Wo kɔma, a si bɔ a bagbuyi rɔ.” (Yisa ya kɛ fɔ alako a la ni gbɛ ko a bɛnnɛ mɔgɛ ni dɔn-fen-su bɛɛ dɔn.)

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

Yɔni 6:49

Wo benbanu ya biredi dɔn min bɔra Arinyɛni tɔ kɔnɔ hali wo, anu bɛɛ fagara.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

Romu 6:12

Wo kana sɔn, hakɛ ni nɔ-ko sɔrɔn wo ma alako wo ni to wo nyɛrɛ wasala wo diyana-koenu tɔ.

Romu 7:4

N na-kelen-nyɔgɛnu, wole fanan bi wo nya le. A manɛ iko wole ara faga ka bɔ tɔn-kitabu kɔrɔ ka kofu Kirasiti ma. Kaka, wo ara ma aletɛ la, ado a wulita ka bɔ furinu tɛma alako wo ni ma gbɔ-nyimɛ la Alla ye.

1 Kɔrɛnti 3:16

Wo ya a lɔn ko Alla-Bato-Bɔn le wole la serr, ado wo ya a lɔn fanan ko Allata Ni-Sɛnimɛ siginɛ wo rɔ!

1 Kɔrɛnti 6:15

Wole ya a lɔn ko Kirasiti fɛrɛ-bɔnkɛ-tɔnkɔ-do le wole la, wa? A ye kama? N si Kirasiti fɛrɛ-bɔnkɛ-tɔnkɔ-do bi ka a tugun yɛlan-fɛrɛ-bɔnkɛ la, wa? Alamɛ ma kisira wo ma!

1 Kɔrɛnti 6:19

Wo ma a lɔn ba, ko wo fɛrɛ-bɔnkɛ, Allata Ni-Sɛnimɛta bato-bɔn le? Alla ya ata Ni-Sɛnimɛ min di wo ma, wo siginɛ wole le tɔ, ado wo sa wo nyɛrɛ bolo. Allatɛ le wole la.

2 Kɔrɛnti 11:2

N bi wo makeliyala iko Alla ye wo makeliyala nya min. Wo bɛɛ mani de iko sunkurun-nasɔlɔni-bɛrɛ, n bara min furu-koe lanyiri kiri mɔgɔ kelen pe ye, Kirasiti, kɔni.

2 Kɔrɛnti 5:15

Ale Yisa fagara mɔgɛ bɛɛ ye, woletɔ minnu belinɛ, wonu kana beli anu nyɛrɛ ye tun fɔ ka beli ale ye min fagara anu ye, ado a wulita anu ye fanan.

Kalesiya 5:24

Wole min bara ma Kirasiti Yisatɛ la, wo ara wo sɔn-yogomɛ anubɛ nata bɛɛ faga.

Ɛfɛsa 5:23

Wo ni wo ma bawo sɛnbɛ ye kei bolo ala musi kuma iko sɛnbɛ ye Kirasiti bolo ata mɔgɛnu kuma nya min, ado Kirasiti nyɛrɛ le ata mɔgɛnuna kisilɛ la, a nyɛrɛ bagbuyi, kɔni.