1 Kɔrɛnti 5:11 - ALLALA KUMƐ

¹¹ N bi min ma nun, wo le ko ni yɛlan le, ni wasabɛlɛ le, ni bɛsi-kɔlɛ le, ni min bi nafigiyɛ kɛla, ni min bi baan-minyɛ kun na, ni kankan le—ni mɔgɛ wo ye a fɔla ko wo na-kelen-nyɔgɛ le ale la dɛnkɛninyɛ rɔ, wo kana wo bole layigi miran kelen tɔ lefan wo mɔgɔ-sufanu fɛ.

1 Kɔrɛnti 5:11 ပူးပေါင်းရင်းမြစ်များ

Yaburi 10:3

Karagbɛlɛnu kɛnɛna anu wasila anuna karagbɛlɛyɛnu tɔ. Kensuntenu bi Alla mamɔɛnna ka a lafɛya.

Yaburi 101:5

N si tɔn sigi wɛwɛ-salɛnu na minnu si nyɔgɔn-kɔma-kumɛ fɔ. N ti ke n muinna mɔgɔ-wasini fenfen kɔrɔ.

Isikiyɛli 22:12

Anu bi donu sarala mɔgɛnu faga-koe la. Donu bi tɔnɛ sala anuna yili-donnɛnu kuma anu ta-nyɔgɔn Isirɛla mɔgɛnu bolo, ado donu bi mala-a-la wo le tɔ. Anu bara nyina nde, Mari ko. Nde, anu Tigi Mari kan le kɛ la.

Matiyu 18:17

Kɔnɔ ni a ma sɔn wonu fanan bolo, i ni koe wo bɛɛ rakaran wo ta-nyɔgɛ dɛnkɛninya-mɔgɛnu ye. Nba, ni a ma sɔn wonu fanan bolo, i ni a bira iko sibolo-gbɛrɛ, ni wo ma, duti-makelelɛ.

Matiyu 23:25

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo ye wola yi-lafɛnu anubɛ piletinu kɔmɛ makula, ado wo ya min sɔrɔn kɔrɔndiyɛ anubɛ wunduyogoyɛ la, a burɛ fanɛ fan wonu na.

Luka 18:11

“Farisi wo sɔra a dan na ka wuli Alla madiyala ka le, a ko, ‘Alla, n bi baraka birala i ye bawo kɔrɔnditore ma nde la, kensunte ma n na, telenbɛli ma n na nna musi wara la iko mɔgɔ toe bɛɛ ye nya min, ado n bi baraka birala i ye bawo nde sa iko duti-makelelɛ kɛ pan!

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Kɛwɔlɛnu 9:17

Woletɔ Ananayasi tara bɔn wo la. A ke nyɔ, a ya a bole sa Sɔli kuma. A ko, “N na-kelen-nyɔgɛ Sɔli, i ya Mari Yisa min yen kilɛ la, wo le ara n sɔ i wara. A ara n sɔ alako i yɛ la ni ka tun. Wo kɔma, i si fa Allata Ni-Sɛnimɛ la.”

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

Romu 16:17

N na-kelen-nyɔgɛnu, n bi wo madiyala ko wo ni a ma wo fɛrɛma mɔgɛ wonuna ko la minnu bi dan-nafarɛ kɛla wo tɛma. Wonu bi mɔgɛnu nasamala ka anu bɔ anuna dɛnkɛninyɛ rɔ. Wo ara karan-bɛrɛ min sɔrɔn, anu bi wo tinyana. Wo ni wo masɛgi mɔgɛ wonu na feu,

1 Kɔrɛnti 10:14

Woletɔ n diyana-mɔgɛnu, wo ni wo matanka bɛsi-kɔ-koenu ma.

1 Kɔrɛnti 11:21

Wo tenbi fen dɔnla, mɔgɔ kelen-kelennamɛ-bɛɛ ye fen dɔnna iko a di a ye nya min. Anu ti doinu makɔni, woletɔ do kɔnkɔtoe tenbi, do kun tafinnɛ gbɛɛ-minyɛ bolo.

1 Kɔrɛnti 6:10

kankannu wo, wasabɛlɛnu wo, baan-minnɛnu wo, nafiginu wo, minnu bi buila mɔgɛnu ma wo, wonu fenfen ti Allala mansayɛ sɔrɔn,

1 Kɔrɛnti 6:6

Kɔnɔ dɛnkɛninya-mɔgɛnu bi anu ta-nyɔgɛnu samasila alako Alla-lɔnbɛlɛnu ni anuna kiti tɛgɛ. Wo ma bɛn mumɛ!

1 Kɔrɛnti 6:9

Wo ya a lɔn serr, ko mɔgɔ-yogomɛnu ti Allala mansayɛ sɔrɔn. Wo kana wo nyɛrɛ mayuwaya. Sɔn-yogoma-tiginu wo, bɛsi-kɔlɛnu wo, yɛlannu wo, minnu bi anu ta-nyɔgɔ-keinu makila wo, minnu bi anu ta-nyɔgɔ-musinu makila wo,

1 Kɔrɛnti 7:12

Wole a mɔgɔ-toenu wo, n bi a fɔla wo ye ko ni musu-dɛnkɛninyabɛlɛ ye kei-dɛnkɛninyanɛ bolo, ado musi wo ara sɔn a ye, a kana musi wo boloka. (Nde nyɛrɛ le ye kɛ fɔla, Mari ma de!)

1 Kɔrɛnti 7:15

Ile dɛnkɛninya-musi, tumado, ila misali-nyimɛ si a ma, ila kei ni dɛnkɛninya. Ile dɛnkɛninya-kei, tumado, ila misali-nyimɛ si a ma, ila musi ni dɛnkɛninya. Hali wo, ni a sɔgɛ ya dɛnkɛninyabɛlɛ bira ka dɛnkɛninya-mɔgɛ wo boloka, nba, tana ma. Dɛnkɛninya-mɔgɛ, a keima wo, a musuma wo, anu filɛ fenfen kirini ma bawo Alla ya wo kele yisi-kimɛ le ma.

1 Kɔrɛnti 8:11

Wole ya a lɔn ko soge wo dɔn-koe ma yogo kɔnɔ wo si a ma, minnu sɔndɔmɛ rafaganɛ, wonu ni halaki, ado wo na-kelen-nyɔgɛ le wonu na Kirasiti fagara minnuna ko la.

Kalesiya 2:12

Pita anubɛ ma na-kelen-nyɔgɔ dɛnkɛninya-mɔgɛ sibolo-gbɛrɛnu denu duruta fen-dɔn kɛla miran kelen tɔ nun. Kɔnɔ Yemesi ya mɔgɛ donu nana tumɛ min, a ya a bɔ wonu fɛ. A ma sɔn ka fen-dɔn anu fɛ tun bawo a kilanta Yahudiyanu na minnu ko fɔ sibolo-gbɛrɛnu ni kemininya iko anu denu.

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

Ɛfɛsa 5:5

Wo ni a lɔn serr, ko yɛlannu anubɛ sɔn-yogoma-tiginu anubɛ wasabɛlɛnu ti fenfen sɔrɔn Kirasiti anubɛ Allata mansayɛ rɔ. (Wasabɛlɛnu sa Alla batola fɔ anu bi nyinina minnu ma.)

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

2 Tɛsalonaika 3:14

Ma ya kumɛ min sɛbɛ kɛdi kɛ rɔ, mɔgɛ do si taran nyɔ min ti wo bira. Wo ni wo yili to anu ko. Ko-wo-ko kana taran wo tɛma, woletɔ anu si miliya.

2 Tɛsalonaika 3:6

Ma na-kelen-nyɔgɛnu, ma ye a fɔla wo ye ma Mari Yisa tɔgɛ rɔ ko minnu bara anu ban wɔli-kɛ-koe ma, wo ni fara wonu na feu! Wonu sa mala kumɛ birala, ado male ma anu nabila wo la.

1 Timoti 3:3

A kana ma baan-minnɛ la anubɛ kɛlɛ-tɛgɛlɛ. A ni ma sabari-mɔgɛ anubɛ yisi-kima-mɔgɛ la. A kana wodi keni.

1 Timoti 6:5

ado tuma-wo-tuma anu bi sɔsɔli sala. Mɔgɛ wonu hɛnkili tinyanɛ, tonya sa anu bolo muk! Anu bi anu mirila ko dina-koe, nɔnfulu-sɔrɔn-kilɛ le.

2 Yɔni 1:10

Ni mɔgɔ-wo-mɔgɔ nara wo wara, a ma sɔn karan kɛ ma, wo kana a yiya. Hali ka duwa a ye ko, “Yisi-kimɛ ni to i fɛ,” wo kana wo ma.

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.