1 Kɔrɛnti 5:10 - ALLALA KUMƐ

¹⁰ Nba, n ma wo sɛbɛ ka a tɛgɛ Alla-batobɛlɛnuna ko la minnu bi yɛlɛnyɛ kɛla. N ma a sɛbɛ wasabɛlɛnu anubɛ kankannu anubɛ bɛsi-kɔlɛnuna ko la. Ni wo le, fɔ ni wo bɔra duninya kɛ rɔ feu!

1 Kɔrɛnti 5:10 ပူးပေါင်းရင်းမြစ်များ

Luka 18:11

“Farisi wo sɔra a dan na ka wuli Alla madiyala ka le, a ko, ‘Alla, n bi baraka birala i ye bawo kɔrɔnditore ma nde la, kensunte ma n na, telenbɛli ma n na nna musi wara la iko mɔgɔ toe bɛɛ ye nya min, ado n bi baraka birala i ye bawo nde sa iko duti-makelelɛ kɛ pan!

Yɔni 15:19

Ni duninyatɛ le wole la nun, dɛnkɛninyabɛlɛnu si wo keni nun iko anu nyɛrɛtɛ. Kɔnɔ n bara wo yatɔnbɔn ka wo bɔ dɛnkɛninyabɛlɛnu tɛma. Anuta ma wole la. Wo le ya a to, wo gboyanɛ dɛnkɛninyabɛlɛnu ye.

Yɔni 17:6

“I ya mɔgɛ minnu di n ma duninya kɛ rɔ, n bara a ma, wonu bara i lɔn. Itɛ le anu na kebi fɔlɔ kɔnɔ i ya anu di nde ma. Anu bara ila kumɛ bira.

Yɔni 17:9

“N bi madiyali kɛla anu ye. N sa madiyali kɛla dɛnkɛninyabɛlɛnu ye, fɔ i ya minnu di n ma bawo itɛ le anu denu na.

Yɔni 8:23

Yisa ya anu yabi ko, “Wole bɔra yan de kɔnɔ nde bɔra san ma. Wole ye duninya kɛ le tɔ kɔnɔ nde ma bɔ duninya kɛ rɔ.

1 Kɔrɛnti 1:20

Nba, hɛnkilimɛnu anubɛ tɔn-karan-mɔgɛnu anubɛ sɔsɔli-sala-wɛnu, wonu bi kama? Alla ara a lagbɛ ko duninya kɛ hɛnkilimayɛ, yuwaya-koe le wo la!

1 Kɔrɛnti 10:27

Ni dɛnkɛninyabɛlɛ do ya wo kele fen dɔn tinɛ, i wa ta, ni a ya min sigi wo kɔrɔ, wo ni wo dɔn. Wo kana nyinikali kɛ wo sɔndɔmɛla ko la.

1 Kɔrɛnti 5:11

N bi min ma nun, wo le ko ni yɛlan le, ni wasabɛlɛ le, ni bɛsi-kɔlɛ le, ni min bi nafigiyɛ kɛla, ni min bi baan-minyɛ kun na, ni kankan le—ni mɔgɛ wo ye a fɔla ko wo na-kelen-nyɔgɛ le ale la dɛnkɛninyɛ rɔ, wo kana wo bole layigi miran kelen tɔ lefan wo mɔgɔ-sufanu fɛ.

1 Kɔrɛnti 5:9

N ya kɛdi sɛbɛ wo ma nun ko wo kana sɔn-yogoma-tiginu ma wo ko-ladan-nyɔgɛ la.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

Ɛfɛsa 2:2

Wo bilanɛ duninya kɛ kila-yogomɛnu fɛ wo wati le tɔ. Ni-yogo-sɛnbɛ-tigi min bi wola minɛ rɔ, wo ya wo leta kilɛ bira, ado ni-yogo kelan wo ye kun-tigiyɛ kɛla Allata kuma-birabɛlɛnu kun na kaka.

Filipai 2:15

Wo ni ma Allala den-sɛninyanɛnu na minnu telennɛ, ado fɛɛ-wo-fɛɛ sa wole la. Hali wo siginɛ duninya-mɔgɔ-radunɛnu anubɛ mɔgɔ-yogomɛnu tɛma, wo tenbi anu makawandila nimaya-kumɛ la, wole ni malan iko lolenu. Ni wo ya wo ma, Kirasiti wa na lunyɛ min, n si n nyɛrɛ-matɔgɔ-kunya sɔrɔn wola ko la worɔ, ado a si gbɛ bɛɛ yala ko nta wɔlɛ ma kɛ fu!

1 Yɔni 4:5

Duninyatɛ ye nɛbi wonu na min kɛ, anu bi duninya-koenu fɔla. Woletɔ duninyata mɔgɛnu bi anu tole masɔla anu na.

1 Yɔni 4:7

N diyana-mɔgɛnu, ma ni ma nyɔgɔn keni bawo keninteyɛ bɔnɛ Alla le bolo. Keninteyɛ ye min bolo, Allala dan le wo tigi la. A ya Alla lɔn.

1 Yɔni 5:19

Ma ya a lɔn fanan ko Allatɛ le male la kɔnɔ duninya bɛɛ ye Setanɛta sɛnbɛ kɔrɔ.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.