1 Kɔrɛnti 4:20 - ALLALA KUMƐ

²⁰ ado da-rabu-tugi ma Allala mansayɛ la fɔ sɛnbɛ.

1 Kɔrɛnti 4:20 ပူးပေါင်းရင်းမြစ်များ

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

1 Kɔrɛnti 1:24

Kɔnɔ Alla ara male minnu kele, a mara Yahudiya la wo, a mara sibolo-gbɛrɛ la wo, Allata sɛnbɛ anubɛ ata hɛnkili le ale Kirasiti la,

1 Kɔrɛnti 2:4

N ma wo makawandi halliya-kumɛnu anubɛ hadama-den-hɛnkilimayɛ fɛ. N ya wo ma Allala Ni-Sɛnimɛ sɛnbɛ-mayirɛ dɔrɔn de fɛ.

2 Kɔrɛnti 10:8

Mari ya sɛnbɛ min di ma ma, n wasinɛ sɛnbɛ wo le la bɛrɛkɛ, ado n ti miliya wo la bawo sɛnbɛ wo sa n bolo ka wo lasɛgi kɔma fɔ ka wo lasabati.

1 Tɛsalonaika 1:5

Ma nara kibara-nyimɛ la wo ye tumɛ min, ma ma na kuma-gbansan na. Ma nara wo la sɛnbɛ la Allata Ni-Sɛnimɛ baraka rɔ. Ma ara a yira wo la ka a gbɛ ko tonyɛ le wo la. Ma siginɛ wo tɛma nya min, wo ya wo lɔn, ado ma ya wo ma wo dɛnbɛn-koe le la.