1 Kɔrɛnti 4:17 - ALLALA KUMƐ

¹⁷ Ka a tɛgɛ wo ma, n bi Timoti latala wo ma. N diyana-dan le ale la Mari rɔ, ado n lara a la feu! N bi ni-kura-kilayɛ minnu nakela chɔchi bɛɛ rɔ kan-bo-kan Kirasiti Yisa rɔ, a si wo labila wo bɛɛ la.

1 Kɔrɛnti 4:17 ပူးပေါင်းရင်းမြစ်များ

Hɛnkilimaya-Kumɛnu 13:17

Kilaya-lakɛla-yogomɛ si yakɔrɔ-mamɔɛ lana mɔgɛnu kuma kɔnɔ kilaya-lakɛla-nyimɛ si yisi-kimɛ di mɔgɛnu ma.

Yilan-Yilan Koe 12:7

Kɔnɔ nta lanaya-mɔgɛ le Musa la, woletɔ n ya a sigi Isirɛla mɔgɛ bɛɛsi kun na.

Matiyu 24:45

“Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi ara a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Matiyu 25:21

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Matiyu 25:23

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Kɛwɔlɛnu 16:1

Pɔli anubɛ Sailasi tara Dabi anubɛ Lisitira soenu tɔ. Dɛnkɛninya-mɔgɛ do ye nyɔ, a tɔgɔ Timoti. A na fanan lanɛ Yisa la. Yahudiya le a na la kɔnɔ a fa, Kiriki le.

1 Kɔrɛnti 11:16

Kɔnɔ ni mɔgɔ-wo-mɔgɔ ye a fɛ ka sɔsɔli sa kɛla ko la, n si kɛ le dɔrɔn fɔ wola ko la. Male wo, Allata chɔchi doinu wo, namu-wo-namu sa batoli-kɛ-tinɛ ma tɛma kɛ kɔma.

1 Kɔrɛnti 11:2

N si wo tanto bawo wo ye wo hɛnkili tola n ko tuma-wo-tuma ka koe wonu bira n ya wo karan minnu na.

1 Kɔrɛnti 11:34

Wo wa wo ladɛn fen dɔn tinɛ tumɛ min, yanni wo ni kiti sɔrɔn Alla bolo, ni kɔnkɛ ye wole do la, a bɛnnɛ wo tigi ni fen-dɔn-kɛ ala bɔn la. N ba na kɛ kɔma tumɛ min, wo ya n manyinika minnu na wola kɛdi rɔ, n si wonu natelen.

1 Kɔrɛnti 14:33

bawo Alla sa nyinina ko-yabasan ma, fɔ yisi-kimɛ. Allala mɔgɛ bɛɛ wa anu nadɛn chɔchi la,

1 Kɔrɛnti 16:1

Nba, wo ye wodi min nadɛnna Allala mɔgɛnu dɛnbɛn-koe la Yudiya nyamanɛ rɔ, wo ni a ma iko n bara a fɔ Kalesiya nyamanita chɔchinu ye nya min

1 Kɔrɛnti 16:10

Ni Timoti nara ke wo ma, wo ni a rabira gben, bawo a ye wɔlila Mari ye iko nde fanan bi wɔlila nya min.

1 Kɔrɛnti 4:14

N bara min sɛbɛ wo ma kɛ la, n ma a sɛbɛ alako ka wo lamiliya kɔnɔ ka wo makawandi iko n diyana-dannu,

1 Kɔrɛnti 4:15

ado hali karan-mɔgɔ waga-yirika ye wo bolo Kirasiti rɔ, fa kelen de ye wo bolo. N bara kibara-nyimɛ lana wo ma min kɛ, n bara ma wo fa la Kirasiti Yisa rɔ wo nya le.

1 Kɔrɛnti 4:2

ado fan kerifanɛ min na, a bɛnta, wo ni lanayɛ kɛ a tigi ye.

1 Kɔrɛnti 7:17

Alla ya mɔgɔ kelen-kelennamɛ-bɛɛ kele tumɛ min, anu ni to iko Mari ara a latɛgɛ anu ye nya min. N bi mɔgɛnu karanna kɛ le la chɔchi bɛɛ la.

1 Kɔrɛnti 7:25

Nba, kemini-pose, anubɛ sunkurun-posenu, a bɛnta, wole si min ma, Alla ma wo fɔ n ye kɔnɔ n si nta miriya fɔ wo ye, ado Marita kinikini-wɛ ara a ma, n ba kumɛ min fɔ, mɔgɛnu si ke lala wo la.

2 Kɔrɛnti 8:18

Ma ye ma na-kelen-nyɔgɛ do latala a fɛ, min gbiliyanɛ chɔchi bɛɛ bolo bɛrɛkɛ! A ara gbiliyɛ wo sɔrɔn ala wɔlɛla ko la kibara-nyimɛla kawandili-bɔɛ rɔ.

Ɛfɛsa 6:21

Ma na-kelen-nyɔgɛ Tikika, ma diyana-mɔgɛ, kɔni, mɔgɛ le wo la min si Allala wɔlɛ kɛ a sɛbɛ la. Min bi mala n na, ale le si wo bɛɛ fɔ wo ye.

Filipai 2:19

Ni n Mari Yisa sɔnta, n si Timoti lata wo ma yona, woletɔ n ba wo wara-koe lamɔɛn, n yisi si kimɛ.

Filipai 2:22

Wole nyɛrɛ ya a lɔn Timoti mara lanaya-mɔgɛ la nya min. Ale ara ma n ye iko n nyɛrɛta dan, ado a wɔlita nde fɛ kibara-nyimɛla ko la.

Kɔlɔsi 1:7

Ma diyana wɔli-kɛ-nyɔgɛ Ɛpafarasi ya wo karan wo ma. Kirasitita lanaya-wɔli-kɛlɛ le ale Ɛpafarasi la male gbɛ rɔ.

Kɔlɔsi 4:9

Ma na-kelen-nyɔgɛ anubɛ lanaya-mɔgɛ Onɛsima ye tala a fɛ. Wo ta-nyɔgɛ le wo la. Koe min bɛɛ ye kɛla yan, anu si wo bɛɛ rakaran wo ye.

1 Timoti 1:18

Nna den Timoti, i yili ni to wɔlɔyiya-kumɛ wonu ko min fɔra ila ko la kebi fɔlɔ. I tenbi kɛlɛ-nyimɛ kɛla Alla ye, kumɛ wonu ni ma ila kɛlɛ-kɛ-fannu na.

1 Timoti 1:2

N bi kɛdi kɛ latala ile Timoti ma. I manɛ iko n nyɛrɛta dan dɛnkɛninya-kilɛ fɛ. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ kinikinɛ anubɛ yisi-kimɛ di i ma.

2 Timoti 1:2

N bi kɛdi kɛ latala ile Timoti ma, min manɛ n ye iko n diyana-dan. Alamɛ ma Fa Alla anubɛ ma Mari Yisa, Allata-Mɔgɔ-Yabɔnɛta hinɛ ni to i fɛ ka kinikinɛ anubɛ yisi-kimɛ di i ma.

2 Timoti 2:2

I ya nta makawandili-kumɛnu namɔɛn sereya-siyaman yala nun. I ni wonu bi ka anu kerifa lanaya-mɔgɛnu na minnu si ke donu karanna fanan.

2 Timoti 3:10

I wara nna karan lakɔrɔsi ka bila n fɛ. I ya n kɛ-nya lɔn anubɛ nna ko-latɛgɛ-nya. I wara nta dɛnkɛninyɛ yen Yisa ma anubɛ n si n munyu nya min. Keninteyɛ min bi n tɔ, i ya wo bɛɛ lɔn, ado n ti kuri fenfen ma.

Taita 1:5

N ya i to Kariti alako koe minnu tora anu kɛbɛlɛ la, i ni to wonu kɛla. Wo kɔma, i ni chɔchi-mɔgɔ-banu sigi soe bɛɛ rɔ. N bara min fɔ i ye nun, i hɛnkili to wo ko.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!