1 Kɔrɛnti 4:15 - ALLALA KUMƐ

¹⁵ ado hali karan-mɔgɔ waga-yirika ye wo bolo Kirasiti rɔ, fa kelen de ye wo bolo. N bara kibara-nyimɛ lana wo ma min kɛ, n bara ma wo fa la Kirasiti Yisa rɔ wo nya le.

1 Kɔrɛnti 4:15 ပူးပေါင်းရင်းမြစ်များ

Yilan-Yilan Koe 11:12

Nde le ya mɔgɛ kɛnu sɔrɔn, ba? Nde le ye anu banbanna ka ta ha lanyiri-nyamanɛ rɔ, wa?

Romu 15:20

Mɔgɔ ma Kirasiti tɔgɔ fɔ kan min wɛ, a sɔgɛ ya n bira ka kibara-nyimɛ lake nyɔ bɛɛ rɔ. N kana nna bɔn sɔ mɔgɔ-gbɛrɛla bon-kurukɛnɛ kuma.

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

1 Kɔrɛnti 15:1

Nba, n na-kelen-nyɔgɛnu, n ya kibara-nyimɛ min nake wo ma, n bi a fɛ ka wo hɛnkili bila wo ko, ado wo ara kibara-nyimɛ wo rabira ka la a la gben!

1 Kɔrɛnti 3:10

Allata hinɛ fɛ, n bara nna wɔlɛ kɛ iko bon-sɔla-hɛnkilimɛ. N ya bɔn wo kurukɛ, wo kɔma, mɔgɔ-gbɛrɛ ya a dagɛ lawuli. Kɔnɔ mɔgɔ kelen-kelennamɛ-bɛɛ ni a ma a fɛrɛma bɔn wo sɔ-tinɛ,

1 Kɔrɛnti 3:6

Nde le ya sugi fui, Apalasi ya a yi sa kɔnɔ Alla le ya a ma, a fɛrɛnta ka sabati.

1 Kɔrɛnti 3:8

A fuila wo, a yi-kɛla wo, dan-nafara wo dan-nafara sa wonu tɛma. Alla si wonu barayi iko anu kelen-kelennamɛ-bɛɛ wɔlita nya min.

1 Kɔrɛnti 9:12

Ni yoe ye donu bolo ka anutɛ sɔrɔn wo kuma, male don? Yo sa male bolo min kolo wonutɛ ko, wa? Kɔnɔ male ma yoe wo fenfen bira. Ma ya ma munyu koe bɛɛ kɔrɔ alako bɛɛ si Kirasitita kibara-nyimɛ lamɔɛn nya min.

1 Kɔrɛnti 9:14

Mari ara a latɛgɛ wo nya na le fanan. Minnu bi kibara-nyimɛ lakela, wonu ni anu beli-fan sɔrɔn wo fɛ.

1 Kɔrɛnti 9:16

N bi kibara-nyimɛ lakela min kɛ, yo-wo-yo sa n bolo ka n nyɛrɛ matɔgɔ wola ko la bawo Alla le ya a fɔ n ye ko n ni wo ma, ado ni n ma kibara-nyimɛ lake, a si gbɛlɛya n kuma gben!

1 Kɔrɛnti 9:18

N si sarɛ nyuman sɔrɔn worɔ? Ka kibara-nyimɛ lake sarabirabɛlitayɛ la, nta sarɛ le wo la. N ya wɔlɛ min bɛɛ kɛ kibara-nyimɛla ko la, n ma n yoe fenfen nabɔ gbɛ ma worɔ.

1 Kɔrɛnti 9:23

N bi wo bɛɛ kɛla kibara-nyimɛ lela ko la alako mabɛ wonu ni barayi sɔrɔn ma nyɔgɔn fɛ.

2 Kɔrɛnti 4:5

Ma sa ma nyɛrɛta koenu kawandili bɔla. Ma ye kawandili bɔla ko Yisa Kirasiti, Mari le. Ma ko male nyɛrɛ le wota wɔli-kɛlɛnu na Yisala ko la.

Kalesiya 3:24

ado tɔn wara-koe tora ma kuma alako a si ma kolo nya min ha Kirasiti ni na. A nara alako ma si telen Alla ye dɛnkɛninyɛ fɛ nya min.

Kalesiya 3:25

Nba, ma dɛnkɛninyanɛ min kɛ, ma mako sa kolole wo la tun.

Kalesiya 4:19

Kɔnɔ n diyana-dannu, n bi dumɛ rɔ wola ko la iko musu buyi wa a lamaga, ado a si to wo nya na ha wo sɔn ni ma iko Kirasititɛ.

2 Timoti 4:3

bawo wati ye nala, mɔgɛnu ti anu tole masɔ tonyɛ la tun. Anu si bila anu nyɛrɛ-natanu fɛ. Anu si to karan-mɔgɛnu nadɛnna anu nyɛrɛ ye, minnu si anu toleta diyana-koenu fɔ anu ye.

Taita 1:4

N bi kɛ sɛbɛla ile Taita ma. I manɛ iko n nyɛrɛta dan bawo ma mɔgɔ filɛ dɛnkɛninyanɛ Yisa ma. Alamɛ ma Fa Alla anubɛ ma kisilɛ Yisa Kirasiti ya hinɛ yira i la ka yisi-kimɛ di i ma.

Failiman 1:19

N bi a sɛbɛla n nyɛrɛ bole la ko nde, Pɔli si ala yili sara tun. Nba, nna yili min bi ile la ni-kurɛla ko la, n ti i hɛnkili bila wo la.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

1 Pita 1:23

Wo ara sɔrɔn a kurɛ la Allala habadan-kuma-nimɛ baraka rɔ. Alla min ti faga, wo ara ma wola dannu na!