1 Kɔrɛnti 4:14 - ALLALA KUMƐ

¹⁴ N bara min sɛbɛ wo ma kɛ la, n ma a sɛbɛ alako ka wo lamiliya kɔnɔ ka wo makawandi iko n diyana-dannu,

1 Kɔrɛnti 4:14 ပူးပေါင်းရင်းမြစ်များ

Isikiyɛli 3:21

Ni i don ya a makawandi, a ni fara a sɔn-yogomɛ wo la, a ni a tole masɔ i la, ka fara ko-yogoma-kɛ la, a ti faga, ado n bolo sa i la wo rɔ.”

Kɛwɔlɛnu 20:31

Woletɔ wo ni wo yɛ lakalan. Wo yili ni to kɛ ko. San sawa, n tɔrɔta wola ko la ka wo kelen-kelennamɛ-bɛɛ karan su-ni-tele.

1 Kɔrɛnti 15:34

Wo ni wo hɛnkili masɔ ka fara hakɛ la. N ya a fɔ min kɛ ko donu bi wo tɛma, wonu ma Alla lɔn, miliya-koe le wo la.

1 Kɔrɛnti 4:15

ado hali karan-mɔgɔ waga-yirika ye wo bolo Kirasiti rɔ, fa kelen de ye wo bolo. N bara kibara-nyimɛ lana wo ma min kɛ, n bara ma wo fa la Kirasiti Yisa rɔ wo nya le.

1 Kɔrɛnti 4:17

Ka a tɛgɛ wo ma, n bi Timoti latala wo ma. N diyana-dan le ale la Mari rɔ, ado n lara a la feu! N bi ni-kura-kilayɛ minnu nakela chɔchi bɛɛ rɔ kan-bo-kan Kirasiti Yisa rɔ, a si wo labila wo bɛɛ la.

1 Kɔrɛnti 6:5

Miliya-koe le wo la. Hɛnkilima kelen bɛrɛn sa wo tɛma min si ke sɔsɔlɛ banna wole dɛnkɛninya-mɔgɛnu tɛma, wa?

1 Kɔrɛnti 9:15

Kɔnɔ nde ma yoe wo fenfen bi, ado n sa kɛ sɛbɛla fanan kaka alako n ni yoe wonu bi n nyɛrɛ ye. Yanni n ni fara n nyɛrɛ matɔgɔla nna sarabirabɛlitayɛla ko la, n faganɛ fisa wo ko!

2 Kɔrɛnti 11:11

N ya kɛ fɔ nfenna? N ya wo fɔ bawo n ma wo keni, wa? Alla ya a lɔn ko wola ko di n ye kati!

2 Kɔrɛnti 12:19

Tumado, wo ye wo mirila ko ma ye ma rayala wati bɛɛ ka ma nyɛrɛ fɛka wo ye. Ade! Ma ye kumala iko Kirasiti ye a fɛ, ma ni kuma nya min Alla yala. Ma diyana-mɔgɛ le wole la. Ma ye koe min bɛɛ mala, ma ye wo kɛla wo dɛnbɛn-koe le la.

2 Kɔrɛnti 7:3

N ma kɛ fɔ alako ka wo rasɛ. Iko n ya a fɔ nya min nun, ma belinɛ wo, ma faganɛ wo, wola ko ye ma yisi rɔ tolon! Wola ko di ma ye kati!

Kɔlɔsi 1:28

Woletɔ ma wa ta kan tinɛ min bɛɛ rɔ, ma si Yisa Kirasitita kawandili bɔ mɔgɛ bɛɛ ye nyɔ. Ma ye mɔgɛ bɛɛ lalɔnna ka anu karan a ma ma hɛnkili bɛɛ la alako ma ni mɔgɔ kelen-kelennamɛ-bɛɛ-kanbalinɛ lana Alla ma Kirasiti rɔ.

1 Tɛsalonaika 2:11

Wo ya a lɔn ko ma ya wo kelen-kelennamɛ-bɛɛ bira iko denbɛnu si anuna dannu bira nya min.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

2 Tɛsalonaika 3:14

Ma ya kumɛ min sɛbɛ kɛdi kɛ rɔ, mɔgɛ do si taran nyɔ min ti wo bira. Wo ni wo yili to anu ko. Ko-wo-ko kana taran wo tɛma, woletɔ anu si miliya.

Failiman 1:10

Nba, n bi i madiyala ila yɔɔn, Onɛsimala ko la. Nna dan le ale la Kirasiti rɔ. N mara a fa la Allata Ni-Sɛnimɛ rɔ, wo tumɛ ma filɛ ye biralɛ rɔ.

1 Yɔni 2:1

N diyana-dannu, n bi kɛ sɛbɛla wo ma alako wo kana hakɛ kɛ kɔnɔ ni wo do ya hakɛ kɛ, Yisa Kirasiti ye ma bolo. Mɔgɔ-latelennɛ le ale Yisa wo la min bi ma Fa Alla matarala mala ko la,

3 Yɔni 1:4

Ado nfan, ka a lamɔɛn ko nna dannu tonɛ tonyɛ rɔ, fenfen ti n nasewa ka tenbi wo la.