1 Kɔrɛnti 3:23 - ALLALA KUMƐ

²³ ado Kirasititɛ le wole fanan na, Allatɛ le Kirasiti la.

1 Kɔrɛnti 3:23 ပူးပေါင်းရင်းမြစ်များ

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Yɔni 17:18

Iko i ya nde sɔ duninya kɛ rɔ nya min, nde fanan bi anu sɔla duninya kɛ rɔ wo nya le.

Yɔni 17:21

N bi madiyali kɛla ko anu bɛɛ ni ma kelen na. E, n Fa! Iko i ye nde rɔ nya min, anubɛ nde ye ile rɔ nya min, anu fanan ni taran nde rɔ wo nya le. Wo le si a ma, duninya-mɔgɛnu si la a la ko ile le ya n sɔ.

Romu 14:8

Ni ma fagara, ma faganɛ Mari hɛnɛ-koe la. Ma belinɛ wo, ma faganɛ wo, Maritɛ le male la tolon,

1 Kɔrɛnti 11:3

Kɔnɔ n bi a fɛ, wo ni a lɔn ko Kirasiti ye kei bɛɛ kun na. Kei le ala musi kun na. Kɔnɔ Alla le ye Kirasiti fanan kun na.

1 Kɔrɛnti 15:23

Kɔnɔ Alla si mɔgɔ kelen-kelennamɛ-bɛɛ lawuli a wati-latɛgɛnɛ rɔ. Kirasiti le a fɔlɔtɛ la. Wo kɔma, Kirasiti wa na tun, minnu taranta ale rɔ, wonu si bila a fɛ.

1 Kɔrɛnti 15:28

Kɔnɔ fan bɛɛ wa don Kirasitila kun-tigiyɛ kɔrɔ tumɛ min, wo kɔma Kirasiti nyɛrɛ, Allala dan, kɔni, wo si a sa a fa Alla nyɛrɛ kɔrɔ, ado Alla ya ala dan sigi fan bɛɛ kun na. A si wo ma alako Alla ni kun-tigiyɛ kɛ kɛ bɛɛ kun na feu!

1 Kɔrɛnti 7:22

Ni min bi yɔɔnyɛ rɔ, Mari ya i kele tumɛ min, i wara hɔrɔya i hakɛnu ma Mari bolo. Ni hɔrɛ le ile la Kirasiti ya i kele tumɛ min, i wara ma yɔɔn la Kirasiti kɔrɔ wo rɔ.

1 Kɔrɛnti 8:6

Kɔnɔ Alla kelen de male bolo, ma Fa Alla min ya fan bɛɛ dan, kɔni. Male ye ale le bolo, ado Mari kelen pe le ma bolo fanan, Yisa Kirasiti, kɔni. Fan bɛɛ danta wo le baraka rɔ, ado male fanan ye wo le baraka rɔ.

2 Kɔrɛnti 10:7

Wo ni koe kɛnu mafɛlɛn a kila-bɛrɛbɛrɛ fɛ. Wo mirinɛ ko Kirasititɛ le wole la, nyɛ? Nba, wo hɛnkili ni to kɛ fanan ko ko Kirasitita mɔgɛ le male fanan na iko wo ye nya min.

Kalesiya 3:29

Ni Kirasititɛ le wole la, Iburayima bɔnsɔn le wole la worɔ, ado Alla ara lanyiri kiri Iburayima ye min na, wo si wotɛ sɔrɔn lanyiri wo rɔ.

Kalesiya 5:24

Wole min bara ma Kirasiti Yisatɛ la, wo ara wo sɔn-yogomɛ anubɛ nata bɛɛ faga.

Ɛfɛsa 1:10

Ata gbundu-koe ye min na, wo le kɛ la. A wati wa ke tumɛ min, Alla si ala ko-latɛgɛnɛ wo kanbali. Ala dali-fan min bɛɛ ye san-kole rɔ wo, min bɛɛ ye dugu-kole kuma wo, a si wonu nadɛn kan-tina-kelen alako Kirasiti ni ma wonu kunyɛ la.