1 Kɔrɛnti 3:17 - ALLALA KUMƐ

¹⁷ Woletɔ ni mɔgɔ-wo-mɔgɔ ya Alla-Bato-Bɔn latinya, Alla si wo tigi kasara pɔ! A ye wo nya bawo Alla-Bato-Bɔn sɛninyani de, ado ata Bato-Bɔn le wole la.

1 Kɔrɛnti 3:17 ပူးပေါင်းရင်းမြစ်များ

Ko-Dabirɛnu 28:17

A kumakɔra ka a fɔ ko, “Yaga, kan-tina-makawanɛ le kɛ la. Allata bɔn le yan na. Arinyɛnɛ don-dɛ le kɛ la.”

1 Ko-Kɔrɔta-Karan 29:3

Wo bɛɛni-ata, n bara sɛnɛnu anubɛ wodi-gbɛnu bɔ n gbu rɔ ka a kofu doi kɛnu ma Bato-Bɔn sɔ-koe rɔ. N ya wo ma le bawo Allata Bɔn kɛ di n ye kati!

Yaburi 74:3

I ni so-kasaranɛ kɛ ratagama. I kolan lata Bato-Bon-mirannu tinya-nya ma ma yogenu bolo.

Yaburi 79:1

E, Alla, minnu ma i lɔn, wonu buira ita nyamanita-mɔgɛnu ma ha anu ya ila Bato-Bɔn latinya. Anu bara Yerusalɛm-mayɛlɛnnɛ to iko sundu-kunyɛ.

Yaburi 93:5

Mari, ita tɔnnu sigini de tolon! I Bato-Bɔn sɛnima dɔgɔma-ma-de! Wo rɔ, a ye wo nya na le burubukai!

Yaburi 99:9

Tantolɛ ni di ile, mata Mari Alla ma. Ma ni i bato ita kɔnkɔ-sɛnimɛ kuma. Ile mata Mari Alla sɛnima.

Bɔ-Koe-Iyipiti 3:5

Alla ko, “I kana i madon yan na. Ila sanbarɛ bɔ i kian rɔ kamasɔrɔn i sɔnɛ kan tinɛ min tɔ kɛ la, dugu-sɛnimɛ le wo la.”

Aiseya 64:11

Ma benbanu taranta i batola ita bon-sɛnimɛ la kɔnɔ nyɔ ara mintan tɛ la gburr! Mala fen-kolomɛnu bara halaki pɔ!

Isikiyɛli 43:12

Bato-Bon-sereya le kɛ la. Bato-Bɔn sɔnɛ kɔnkɛ min kuma, wola foolɛ bɛɛ tɛrr, wo bɛɛ sɛninyani de!”

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Isikiyɛli 7:22

Hali sundan wonu ba n Bato-Bɔn konko-don-dɛ keri ka nyɔ latinya, n ya lata tina ma.

Saraka-Masɔlɛnuta Tɔnnu 15:31

Mari ya kɛ le fɔ Musa ye ko a ni Isirɛla mɔgɛnu makawandi ka a gbɛlɛya gben mɔgɛnuta sɛninyabɛlitayɛla ko la. Mari ko ni min ya ata tɔn kɛnu tinya, wo ara bila a la anubɛ ata Fani-Bɔn min bi dagɛ tɛma. Ni min bilara a la yati, wo si faga serr!

Saraka-Masɔlɛnuta Tɔnnu 20:3

Ni min ya ala dan di bɛsɛ wo ma, wo tigi ara a ma, Marita Fani-Bɔn ara kɔsɔ anuta fisiriwɔlitayɛla ko la. Wo tigi ara Mari tɔgɔ-sɛnimɛ lafɛya fanan. Mari ko a si a kan-kɔ sɔ wo tigi la, ado ata ma wo mɔgɛ la tun!

Sɛfanaya 3:4

Fenfen sa yan-nɛbinu da rɔ fɔ nyɛrɛ-matɔgɔ-kumɛnu. Anu bi min fɔla, mɔgɔ ti la wonu na. Fan minnu dantɛgɛnɛ Mari ma, saraka-masɔlɛnu bi wo latinyana, ado Allata tɔnnu minnu sɛbɛnɛ, anu bi wonu tadula alako anu ni fen bɔ mɔgɛnu bolo.

Yilan-Yilan Koe 19:20

“Mɔgɔ-wo-mɔgɔ min ti sɔn ka a nyɛrɛ sɛninya nde, Marita sɛninya-yi wo la, wo si ma iko wo tigi nyɛrɛ ya nta Fani-Bɔn latinya. Anu si mɔgɛ wo bɔ anu kurun tɔ.

1 Kɔrɛnti 3:16

Wo ya a lɔn ko Alla-Bato-Bɔn le wole la serr, ado wo ya a lɔn fanan ko Allata Ni-Sɛnimɛ siginɛ wo rɔ!

1 Kɔrɛnti 3:18

Mɔgɔ-wo-mɔgɔ kana a nyɛrɛ yanfa. Ni min mirinɛ ko hɛnkilimɛ le ale la duninya kɛ rɔ, a fisa, duninya ni a lɔn kuntan la alako a si hɛnkili-bɛrɛ sɔrɔn nya-min.