1 Kɔrɛnti 16:19 - ALLALA KUMƐ

¹⁹ Chɔchi minnu bi Esiya nyamanɛ rɔ, wonu bi wo kɔndɔnna. Akuwila anubɛ Purusila anubɛ chɔchi-mɔgɛ minnu nadɛnnɛ anuna bɔn la, wonu bi wo kɔndɔnna bɛrɛkɛ Mari tɔgɔ rɔ.

1 Kɔrɛnti 16:19 ပူးပေါင်းရင်းမြစ်များ

Kɛwɔlɛnu 16:6

Pɔli anubɛ a ta-nyɔgɛnu tara Parigiya anubɛ Kalesiya nyamanɛnu tɔ kɔnɔ Allata Ni-Sɛnimɛ ya a ragbɛ anu ye ko anu kana kawandili bɔ Esiya nyamanɛ rɔ.

Kɛwɔlɛnu 18:18

Pɔli ya tele siyaman bɔ Marita mɔgɛnu fɛ Kɔrɛnti soe burɔ. Wo kɔma, ale wo, Akuwila wo, anubɛ Purusila donta kulɔn rɔ ka ta Siriya nyamanɛ rɔ. Yanni a ni don kulɔn rɔ, a ya a kunyɛ sii Sɛnkariya soe burɔ bawo a ara a dato Alla ye nun.

Kɛwɔlɛnu 18:2

A ya Yahudiya do taran nyɔ, a tɔgɛ Akuwila. A sɔrɔnta Ponta nyamanɛ rɔ. Anubɛ ala musi Purusila na-san le nun ka bɔ Itali nyamanɛ rɔ bawo Romu Nyamani-Kun-Tigi-Ba Kalodiyasi ara a fɔ nun ko Yahudiya bɛɛ ni bɔ Romu soe burɔ. Pɔli tara anu kɔndɔn tinɛ.

Kɛwɔlɛnu 18:26

Apɔlɔsi kumara yisi-latɛgɛ rɔ Yahudiya-dina-bɔn la nyɔ. Akuwila anubɛ Purusila ya ala kumɛ lamɔɛn tumɛ min, wonu tara a la anu barɛ ka Allala koe faranfasi a ye a kilɛ fɛ.

Kɛwɔlɛnu 19:10

A tora anu fɛ san fila kɔrɔ. Woletɔ mɔgɛ min bɛɛ siginɛ Esiya nyamanɛ rɔ, a Yahudiya wo, a sibolo-gbɛrɛ wo, bɛɛ ya Marita kumɛ lamɔɛn.

Kɛwɔlɛnu 2:9

Male donu bɔra Patiya, Midiya, anubɛ Ilam nyamanɛnu tɔ. Donu bɔra Mɛsapotemiya, Yudiya, anubɛ Kapadosiya nyamanɛnu tɔ. Donu bɔra Ponta, anubɛ Esiya nyamanɛnu tɔ.

Romu 16:15

Filologasi anubɛ Yuliya kɔndɔn anubɛ Nirusi anubɛ a na-kelen-nyɔgɔ-musi anubɛ Olimpa anubɛ Allala mɔgɛ min bɛɛ ye anu fɛ nyɔ.

Kɔlɔsi 4:15

Wo ni ma na-kelen-nyɔgɛnu kɔndɔn ma ye minnu bi Leyodisiya soe burɔ. Wo ni n na Nimifa kɔndɔn anubɛ chɔchi-mɔgɛ minnu bi tala ladɛn rɔ ala bɔn la.

2 Timoti 4:19

N bi Purusila anubɛ Akuwila kɔndɔnna anubɛ Onɛsiforala denbayɛ.

Failiman 1:2

Ma ye a latalala chɔchi-mɔgɛnu fanan ma minnu nadɛnnɛ ila bɔn la. Ma ye a latala ma na-kelen-nyɔgɔ-musumɛ Afiya ma, mabɛ min bi dɛnkɛninyɛ rɔ. Ma ye a latala ma wɔli-kɛ-nyɔgɛ Akipasi fanan ma.

1 Pita 1:1

Nde, Pita le ye kɛdi kɛ sɛbɛla, Yisa Kirasiti ya nde min sɔ, ala kilayɛ, kɔni. N bi a lakela wole Allala mɔgɔ yabɔnɛnu ma minnu manɛ iko kɛlɛ-kɔrɔ-maburilɛnu. Wo nyɛnsɛnnɛ Ponta anubɛ Kalesiya anubɛ Kapadosiya anubɛ Esiya anubɛ Baitiniya nyamanɛnu tɔ.

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”