1 Kɔrɛnti 16:18 - ALLALA KUMƐ

¹⁸ Wonu bara n niyi lakuraya iko anu ya wotɛ lakuraya nya min. Wo ni mɔgɔ-su wonu gbiliya.

1 Kɔrɛnti 16:18 ပူးပေါင်းရင်းမြစ်များ

Hɛnkilimaya-Kumɛnu 25:13

Yi-kimɛ si kɔrɔ-tɛgɛlɛ yisi kima nya min, kilaya-lakɛla-nyimɛ fanan si a tigi yisi kima wo nya na le.

Hɛnkilimaya-Kumɛnu 25:25

Sarakani-nyimɛ min bi bɔla wula-yan la ka mɔgɔ taran, wo si diya i ye iko anu ba yi-kimɛ di mɔgɔ-kan-nagbalanɛ ma.

Romu 15:32

Woletɔ ni Alla sɔnta, n sewanɛ si ta wo taran, ado n tenbi nyɔ, n si wo wara-koe diya bɔ.

2 Kɔrɛnti 7:13

Wo le ya a to, ma yisi kimara. Min sanɛ mala yisi-kimɛ kuma, wo ya Taita lasewa nya min, wo ara male fanan nasewa wo nya na le. Wo damasi ara a dɛnbɛ ka a yisi sa lɛp!

Kɔlɔsi 4:8

N bi a latala wo ma alako a ni ma wara-koe rakaran wo ye. Wo si wo yisi-kimɛ ma wara la.

1 Tɛsalonaika 5:12

Nba, ma na-kelen-nyɔgɛnu, ma ye wo madiyala ko-kelen-pela ko la. Mari ara wɔli-kɛlɛ minnu sɔ wo yarɔ, wo karan-mɔgɛnu anubɛ wo makawandilɛnu, kɔni, wo ni wonu gbiliya nya bɛɛ ma.

Failiman 1:20

Woletɔ n na-kelen-nyɔgɛ, i yandi, i ni ko-kɛndɛ kelan kɛ kɛ n ye Marila ko la. I ni nde lasewa, i na-kelen-nyɔgɛ Kirasiti rɔ!

Failiman 1:7

N diyana na-kelen-nyɔgɛ, ila keninteyɛ ara ma lasewa bɛrɛkɛ! A ara yisi-latɛgɛ-ba di n ma. I wara Allala mɔgɛ bɛɛ yisi lakuraya.

Hiburunu 13:7

Wola kun-tigi-fɔlɔtɛ minnu ya wo karan Allala kumɛ la, wo ni wo hɛnkili to wonu ko. Wonu manɛ nya min ha anu fagara, wo ni wo miri wonu ma ka wo sanka anuna dɛnkɛninyɛ ma.

3 Yɔni 1:4

Ado nfan, ka a lamɔɛn ko nna dannu tonɛ tonyɛ rɔ, fenfen ti n nasewa ka tenbi wo la.