1 Kɔrɛnti 16:16 - ALLALA KUMƐ

¹⁶ wo ni mɔgɔ-su wonuna kumɛ bira anubɛ min bɛɛ ye wɔlila anu fɛ.

1 Kɔrɛnti 16:16 ပူးပေါင်းရင်းမြစ်များ

1 Ko-Kɔrɔta-Karan 12:18

Tiriyɛ wo rɔ, Marita sɛnbɛ yigira Amasayi kuma. Wo ya a fɔ ko, “Yɛsila den Dawuda, ile halalɛ le male la. Alamɛ wobɛ i dɛnbɛnɛnu wara-koe tara yarɔ, ado Alla ye i fɛ.” Dawuda ya anu sɛnibɔ ka anu ma ata kɛlɛ-den-kunyɛnu na. Min kolo wo ko, tɔ-a-la, ale Amasayi mara mɔgɔ bi-sawɛ kun-tigi la.

Makawandili Kumɛnu 1:3

Mɔgɛ si wɔli a siyi-tele kɔrɔ furr, kɔnɔ a si tɔnɔ nyamintan sɔrɔn duninya kɛ rɔ?

Romu 16:12

Tarifina anubɛ Tarifosa kɔndɔn n ye minnu wɔlita Mari ye bɛrɛkɛ anubɛ n diyana-mɔgɛ Perasi. Ale fanan wɔlita Mari ye duk!

Romu 16:3

N bi Pusila anubɛ Akuwila kɔndɔnna, mabɛ minnu bi wɔlila Kirasiti Yisa ye.

Romu 16:6

Mariyama fanan kɔndɔn min wɔlita wo ye bɛrɛkɛ!

Romu 16:9

Yurabanasi fanan kɔndɔn n ye ma wɔli-kɛ-nyɔgɛ le Kirasitila wɔlɛ rɔ. Wobɛ n diyana-mɔgɛ Sataki kɔndɔn.

1 Kɔrɛnti 12:28

Alla ara bɛɛta wɔlɛ di a ma chɔchi la, a fɔlɔtɛ, kilayɛnu, a fila nyɔgɛ, wɔlɔyiya-kuma-fɔlɛnu, a sawa nyɔgɛ, karan-mɔgɛnu, wo kɔma, kabana-ko-kɛlɛnu anubɛ lakɛndɛyali-sɛnbɛ dinɛ minnu ma anubɛ minnu si ke bolo-kolɔnnu dɛnbɛna, minnu si ke kun-tigiyɛ kɛla, ni wo ma, ka kan-gbɛrɛnu fɔ.

1 Kɔrɛnti 3:9

Allata wɔli-kɛ-nyɔgɛnu denu bi ma dama la. Allata sɛnɛ le wole la. Ado nfan, Allata bɔn le wo la fanan.

Ɛfɛsa 5:21

Wo ni sɔnnaya wo nyɔgɔn ye Kirasitita gbiliyɛla ko la.

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

1 Tɛsalonaika 2:9

Ma na-kelen-nyɔgɛnu, wo hɛnkili ye mala wɔlɛ anubɛ mala nyagbɛ ko, yɔ! Ma tenbi Allala kibara-nyima-kawandili bɔla wo ye, ma tora wɔlila ma bole la su-ni-tele alako ma kana wo tɔrɔ.

1 Tɛsalonaika 5:12

Nba, ma na-kelen-nyɔgɛnu, ma ye wo madiyala ko-kelen-pela ko la. Mari ara wɔli-kɛlɛ minnu sɔ wo yarɔ, wo karan-mɔgɛnu anubɛ wo makawandilɛnu, kɔni, wo ni wonu gbiliya nya bɛɛ ma.

1 Timoti 5:17

Chɔchi-mɔgɔ-ba minnu bi kun-tigiya-wɔlɛ kɛla a kilɛ fɛ, a bɛnnɛ, wonu ni gbiliyɛ anubɛ sara-kɛndɛ sɔrɔn, katarala minnu bi wɔlila bɛrɛkɛ kawandili bɔ tinɛ anubɛ mɔgɔ karan-tinɛ,

Hiburunu 13:17

Wo ni wola chɔchi-mɔgɔ-banuna kumɛ bira ka wo famayigi anu ye. Anu bi wo niyi lakandan tinɛ le dɛɛ! Anu sa anu sulenna bawo anu si anu dantɛgɛ Alla ye anuta wɔlɛla ko la. Ni wo ya anuna kumɛ bira, anu si anuna wɔlɛ kɛ sewɛ rɔ. Ni wo ma, anu si a kɛ yisi-magboyɛ la, ado wo ti wo munanfaga.

Hiburunu 13:24

Wo ni wola kun-tiginu anubɛ Allata mɔgɛ bɛɛ kɔndɔn ma ye. Ma na-kelen-nyɔgɛ minnu bɔra Itali, wonu fanan bi wo kɔndɔnna.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”

3 Yɔni 1:8

A bɛnta, male dɛnkɛninya-mɔgɛnu ni mɔgɔ-sufa kɛnu dɛnbɛ worɔ. Ni ma ya wo ma, ma ara matɛ kɛ anuna wɔlɛ rɔ tonyɛla ko la.

Lankɛnimayɛ 2:3

Wo ara wo munyu nyagbɛ kɔrɔ ka tɔrɔyɛ sɔrɔn ndela ko la. Wo ma kuri.