1 Kɔrɛnti 16:11 - ALLALA KUMƐ

¹¹ Mɔgɔ-wo-mɔgɔ kana a bɔrɔbɔ kɔnɔ wo ni a dɛnbɛ ala tagama rɔ yisi-kimɛ rɔ alako a si sɛgi n bara nya min. N bi ale anubɛ n na-kelen-nyɔgɛnu makɔnɔna.

1 Kɔrɛnti 16:11 ပူးပေါင်းရင်းမြစ်များ

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Kɛwɔlɛnu 15:3

Marita mɔgɛ minnu bi Antiyaki, wonu ya kɛnu nata Yerusalɛm. Wonu tenbira Finisiya anubɛ Samariya nyamanɛnu tɔ tumɛ min, sibolo-gbɛrɛnu yɛlɛmanta nya min Alla ye, anu ya dantɛgɛlɛ wo sa nyɔ-dɛnkɛninya-mɔgɛnu ye. Wo ya a ma, Mari Yisata mɔgɛ bɛɛ sewara bɛrɛkɛ!

Kɛwɔlɛnu 15:33

Anu ban wati-ni bɔla Antiyaki soe burɔ, Marita mɔgɛ minnu bi nyɔ, wonu ya anu nasɛgi tun yisi-kimɛ rɔ. [

1 Kɔrɛnti 16:10

Ni Timoti nara ke wo ma, wo ni a rabira gben, bawo a ye wɔlila Mari ye iko nde fanan bi wɔlila nya min.

1 Kɔrɛnti 16:6

N si wati do bɔ wo fɛ, ado tumado, n si dafere-kimɛ-wati bɛɛ bɔ wo fɛ. Woletɔ ni n tara kan-bo-kan wo kɔma, wo si ke n dɛnbɛna nta tagama rɔ.

2 Kɔrɛnti 1:16

n ya a latɛgɛ nun ko n tenbi tala Masidoniya, n ni wo kɔndɔn. N sɛgimatoe fanan, n ni wo kɔndɔn tun ka dɛnbɛnɛ sɔrɔn wo bolo nna tagamala ko la Yudiya nyamanɛ rɔ.

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

1 Timoti 4:12

I kana sɔn, mɔgɔ-wo-mɔgɔ ni yoo i ma ila fonikeyɛla ko la. I kuma-nya wo, i kɛ-nya wo, ila keninteyɛ wo, ila dɛnkɛninyɛ wo, ila sɛninyɛ wo, i ni ma misala-nyimɛ la dɛnkɛninya-mɔgɛnu ye wo bɛɛ rɔ.

Taita 2:15

I ni mɔgɛnu karan koe kɛnu na. I ni anu makawandi ka anu makuma sɛnbɛ la. I kana ko ladan min si a ma, anu ni i lafɛya.

3 Yɔni 1:6

Anu bara ila keninteya-koe fɔ chɔchi-mɔgɛnu ye yan. I yandi, i ni to anu dɛnbɛna nya do ma min si Alla hɛnɛ anu tagama rɔ