1 Kɔrɛnti 16:10 - ALLALA KUMƐ

¹⁰ Ni Timoti nara ke wo ma, wo ni a rabira gben, bawo a ye wɔlila Mari ye iko nde fanan bi wɔlila nya min.

1 Kɔrɛnti 16:10 ပူးပေါင်းရင်းမြစ်များ

Kɛwɔlɛnu 16:1

Pɔli anubɛ Sailasi tara Dabi anubɛ Lisitira soenu tɔ. Dɛnkɛninya-mɔgɛ do ye nyɔ, a tɔgɔ Timoti. A na fanan lanɛ Yisa la. Yahudiya le a na la kɔnɔ a fa, Kiriki le.

Kɛwɔlɛnu 19:22

A ya a dɛnbɛna filɛ lata Masidoniya nyamanɛ rɔ, Timoti anubɛ Irasiti, kɔni. Ale nyɛrɛ tora Esiya nyamanɛ rɔ wati-ni kɔrɔ.

Romu 16:21

N wɔli-kɛ-nyɔgɔn Timoti ye wo kɔndɔnna anubɛ n Yahudiya-nyɔgɛnu Lusiya anubɛ Yeson anubɛ Sosipata fanan.

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

1 Kɔrɛnti 16:11

Mɔgɔ-wo-mɔgɔ kana a bɔrɔbɔ kɔnɔ wo ni a dɛnbɛ ala tagama rɔ yisi-kimɛ rɔ alako a si sɛgi n bara nya min. N bi ale anubɛ n na-kelen-nyɔgɛnu makɔnɔna.

1 Kɔrɛnti 4:17

Ka a tɛgɛ wo ma, n bi Timoti latala wo ma. N diyana-dan le ale la Mari rɔ, ado n lara a la feu! N bi ni-kura-kilayɛ minnu nakela chɔchi bɛɛ rɔ kan-bo-kan Kirasiti Yisa rɔ, a si wo labila wo bɛɛ la.

2 Kɔrɛnti 1:1

Nde, Pɔli le ye kɛdi kɛ sɛbɛla wo ma. N mara Kirasiti Yisala kilayɛ la bawo wo diyara Alla ye. Mabɛ ma na-kelen-nyɔgɛ Timoti le ya kɛdi kɛ sɛbɛ. Ma ya kɛdi kɛ lata Allala chɔchi-mɔgɛnu ma minnu nadɛnnɛ Kɔrɛnti soe burɔ anubɛ Allala mɔgɛ min bɛɛ ye Akeya nyamanɛ rɔ.

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

1 Tɛsalonaika 3:2

ka ma na-kelen-nyɔgɛ Timoti lata wo ma. Mabɛ ale ye wɔlila ma nyɔgɔn fɛ Alla ye ka Kirasitita kibara-nyimɛ-kawandilɛ bɔ. Ma ya Timoti lata wo ma alako wo ni wo sɛbɛ don wola dɛnkɛninyɛ ma.

1 Tɛsalonaika 4:12

Wo le ya a to, wo si gbiliyɛ sɔrɔn hali dɛnkɛninyabɛlɛnu bolo. Wo ti wola dunɛ sa mɔgɔ-wo-mɔgɔ kuma worɔ.