1 Kɔrɛnti 15:57 - ALLALA KUMƐ

⁵⁷ Kɔnɔ tabarakala Alla ma min bara nɔlɛ di ma ma ma Mari Yisa, Allata-Mɔgɔ-Yabɔnɛ baraka rɔ!

1 Kɔrɛnti 15:57 ပူးပေါင်းရင်းမြစ်များ

2 Mansɛnu 5:1

Siriya kɛlɛ-den-kunyɛ do ye nyɔ nun min tɔgɛ Neyaman. Wo ye gbiliyɛ rɔ Siriya mansɛ bolo bawo Mari ara ale Neyaman dɛnbɛ ko a ni nɔ-ko sɔrɔn a yogenu ma, ado kurugba-bɛrɛbɛrɛ le ale la kɔnɔ yaga, kiraya-yogomɛ do ye a fɛrɛ ma.

1 Ko-Kɔrɔta-Karan 22:11

Mansa Dawuda ya a fɔ tun ko, “Nna den, alamɛ ita Mari Alla tora i fɛ. A ni ala lanyiri latɔnbagaya i ye alako i ni ata Bato-Bɔn sɔ.

Yaburi 98:1

Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Hɛnkilimaya-Kumɛnu 21:31

Mɔgɔ si soeenu tabɛn kɛlɛ-kɛ-koe la kɔnɔ min bi kɛlɛ nɔla, Mari le ye wo latɛgɛla.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Kɛwɔlɛnu 27:35

Pɔli banta kɛ fɔla tumɛ min, a ya biredi do bi ka baraka bira Alla ye anu dama yala. A ya a rakeri ka do dɔn anu yala.

Romu 7:25

Tabarakala Alla ma, a si n nakanan ma Mari Yisa, Allata-Mɔgɔ-Yabɔnɛ baraka rɔ! I ma a yen? A sɔgɛ ye n na, n ni ma Allala yɔɔn la n yisi rɔ kɔnɔ nta hadama-denyɛ rɔ, n bi yɔɔnyɛ la hakɛ kɔrɔ.

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

1 Kɔrɛnti 15:51

Wo ni wo tole masɔ gbundu-koe kɛ la. Ma dama ti faga kɔnɔ buru-laban wa fɛ, ma dama si yɛlɛma tiriya iko ya-makeri kelan, ado buri wa fɛ tumɛ min, furinu na si wuli ka bagbuyi sɔrɔn min si to tolon! Male min tonɛ ma niyi la, Alla si bagbu-kurɛ di ma ma min si to burubukai!

2 Kɔrɛnti 2:14

Tabarakala Alla ma! Mabɛ Kirasiti ye kan kelen tɔ min kɛ, Alla ya ma ma yelela-mɔgɛnu na ka ma mayira gbɛ rɔ Kirasitita nɔlɛ rɔ. Nba kaka, ma tenbi tala kan-tina wo kan-tina, a si male bi ka Marita kibara-nyimɛ lake doinu ma. Kibarɛ wo si nyɛnsɛn iko sɛnti-suma-diyamɛ.

2 Kɔrɛnti 9:15

Ma ni baraka bira Alla ye ala kɔ-fanla ko la, mɔgɛ ti ke min sanna.

Ɛfɛsa 5:20

Wo ni baraka bira ma Fa Alla ye fan bɛɛla ko la tumɛ bɛɛ. Wo ni baraka bira a ye ma Mari Yisa, Allata-Mɔgɔ-Yabɔnɛ tɔgɛ rɔ.

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”