1 Kɔrɛnti 15:53 - ALLALA KUMƐ

⁵³ A fɛrɛ sa fɔ bagbuyi min si tuli, wo ni yɛlɛma bagbuyi la min ti tuli. Bagbuyi min si faga, wo si yɛlɛma bagbuyi la min ti faga.

1 Kɔrɛnti 15:53 ပူးပေါင်းရင်းမြစ်များ

Romu 1:23

Habadan-Alla min bi nyɔ, anu ti sɔn wo gbiliyala fɔ niyi sa fan minnu tɔ, anu bi wonu denu kɔla. Anu ya wonu nadan anu bole le la, ado mɔgɛnuna muninyɛ le wonu na anubɛ konanu anubɛ sogenu anubɛ nima-fan bɛɛ.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Kalesiya 3:27

Wola batasili rɔ, wobɛ Yisa Kirasiti ara ma kelen na. Wo mara tumɛ min, wo ara Kirasiti sɔn bila wo kan na iko fɛrɛya-bɔɛ.

Ɛfɛsa 4:24

Fɔ wo ni kɛ-nya-kurɛ bi min nadannɛ iko Allatɛ ye nya min. Mɔgɛ min si kɛ-nya-kurɛ bi, wo si gbɛ ko wonu telennɛ Alla yala, ado wo bɛɛ sɛninyani de!

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!