1 Kɔrɛnti 15:44 - ALLALA KUMƐ

⁴⁴ Anu ba a togon tumɛ min, fɛrɛ-bɔnku-gbansan de! Alla wa a lawuli, ata Ni-Sɛnimɛ le ye a marala. Nba, ni fɛrɛ-bɔnkɛtɛ ye nyɔ, ata Ni-Sɛnimɛtɛ fanan bi nyɔ wo nya na le,

1 Kɔrɛnti 15:44 ပူးပေါင်းရင်းမြစ်များ

Luka 24:31

Wo mɛ, anu yɛ lakara. Anu ya a lɔn Yisa la. Kɔnɔ tiriyante wo rɔ, a tununta anu ma yen!

Yɔni 20:19

Nba, Lɛhɛrɛ wurɛ la, Yisala karan-dannu nadɛnnɛ anu nyɔgɔn fɛ bɔn la. Bon-rasɔgɔnɛ anu bolo bawo anu kilannɛ Yahudiyanuna kun-tiginu na. Yisa ya anu natɛrɛna ka sɔ anu tɛma. A ya anu kɔndɔn ka a fɔ ko, “Alamɛ wo ya yisi-kimɛ sɔrɔn.”

Yɔni 20:26

Lɔgɔkun kelen wo kɔma, Yisala karan-dannu ya anu nadɛn bɔn la tun, Tamasi ye anu fɛ. Bon-rasɔgɔnɛ anu bolo. Yisa nara sɔ anu tɛma tun. A ko, “Alamɛ wo ya yisi-kimɛ sɔrɔn.”

1 Kɔrɛnti 15:50

N na-kelen-nyɔgɛnu, n bi min ma, wo le kɛ la. Min danta fɛrɛ anubɛ yele la, wo ti ke Allala mansayɛ sɔrɔnna. Ma fɛrɛ-bɔnku-tulutɛ kɛnu ti to habadan!

1 Kɔrɛnti 2:14

Kɔnɔ ata Ni-Sɛnimɛ sa mɔgɛ minnu bolo, wonu ti ke karan wonu sɔrɔnna bawo tonyɛ wo dinɛ wonu ma ale bolo, ado a ti ke wonu nya-yenna lefan! Yuwaya-koe le wonu na ale yala bawo tonyɛ wonu na si kɔrɔsi Allala Ni-Sɛnimɛ baraka rɔ.